Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda 2021 jyly 3 iri jol aıryǵy salynady

2020 jyldyń 9 shilde 2020 17:42

ALMATY. QazAqparat – Almaty ákimdigi búgin jol-ınfraqurylymy jobalary týraly onlaın konferentsııa ótkizdi, dep habarlaıdy QazAqparat tilshisi.

«Almatyda jalpy joldyń uzyndyǵy 3 096 km. Onyń ishinde sapasy jaqsy joldardyń úlesi salmaǵy 2019 jyly 75 %-ǵa jetkizildi. Barlyǵy 2 322 km boldy. Almaty ákiminiń tapsyrmasymen 2020 jyly bul kórsetkishti 80%-ǵa jetkizý kózdelgen», - dedi Qalalyq mobıldilik basqarmasy basshysynyń orynbasary Ernur Abjahan.

2019 jyly qalanyń damý josparyna sáıkes T.Rysqulov pen Qulja tas joly jol aıryǵy paıdalanýǵa berildi. Sonymen qatar, Súıinbaı dańǵylynyń Hmelnıtskıı men Sholohov kóshesi aralyǵyndaǵy ýchaskesi qaıta jóndeýden ótti.

2020 jyly 3 iri jolaıryǵynyń: T.Rysqulov –Emtsov, S.Seıfýllın dańǵyly – І.Jansúgirov kóshesi, Buqtyrma – Qulja tas joly nysandarynyń qurylysy aıaqtalady.

«Qazir T.Rysqulov dańǵylynyń ońtústik jaǵynda jol jabyndysy tóselip jatyr. Al soltústiginde úıler áli súrilip jatyr. Áli birneshe nysan tolyq tárkilengen joq. Bul jumystar kelesi jyly tolyq aıaqtalady», - dedi Ernur Abjahan.

S.Seıfýllın – І.Jansúgirov jol aıryǵynda úıler súrilip jatyr. Bıyl tonnelder salynyp, 2021 jylǵa qaraı jumys tolyq aıaqtalady.

Buqtyrma – Qulja tas joly jolaıryǵynda da qala men oblys terrıtorııasyndaǵy jer ýchaskelerin tárkileý júrip jatyr.

Avtor Gúlmıra Ǵosmanálı
Basty sózder: Qurylys, Jol, Almaty,
Joǵary qaraı