Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 224 kósheniń 200 shaqyrym joly jóndeledi

2022 jyldyń 25 mamyr 2022 01:30

ALMATY. QazAqparat – Almatyda bıyl sáýir aıynyń sońynda jol-qurylys jumystary bastaldy, dep habarlaıdy QazAqparat tilshisi.

Agenttiktiń resmı saýalyna qalalyq ákimdiktiń bergen jaýabyna sáıkes, shaharda 224 kósheniń jol jabynyna ortasha jóndeý júrgizilmek.

«Jóndeletin joldardyń jalpy uzyndyǵy 200 shaqyrymnan asady. Joldardy ortasha jóndeýge shamamen 17 mlrd teńge bólindi»,- delinedi ákimdiktiń jaýabynda.

Sondaı-aq, ákimdiktiń málimetinshe, qazirgi ýaqytta qalanyń Abaı dańǵyly boıynda (Saın kóshesinen Ótegen batyr kóshesine deıingi aralyqta) uzyndyǵy 2 shaqyrymnan astam jol jabynyna ortasha jóndeý jumystary júrgizilýde. Jol jóndeý aıasynda aqaýly jıekterdi ishinara aýystyrý qarastyrylǵan. Qazir atalǵan ýchaskede jıekterdi túzetý jumystary júrýde. Granıtti jıekter aýystyrýǵa jatpaıdy.

«Bul – jıekterdiń bólshektelip, júris bóliginiń qajetti belgisine túzetilip jatqanyn bildiredi. Bólshektelgen jıekter óz ýchaskesi úshin montajdalady. Qaıta paıdalanýǵa jatpaıtyn aqaýly jıekter ǵana ishinara aýystyrylady. Jıekter tekseris pen aqaýlardyń anyqtalý shamasyna qaraı aýystyrylady. Jıekter úshin jeke qarajat bólinbeıdi, jumystar ortasha jóndeý sheńberinde júrgiziledi. Mamandar aqaýlardyń anyqtalýyna qaraı qajetti ýchaskelerdegi jıekterdi aýystyryp, túzetýdi júrgizedi»,- dep jaýap berdi ákimdikten.

Eske salaıyq, megapolıste bıyl uzyndyǵy 221 km bolatyn 224 kóshege, onyń ishinde uzyndyǵy 56,9 km bolatyn qalanyń 19 magıstraldy kóshesine ortasha jóndeý júrgizilmek ekenin habarlaǵanbyz.


Avtor Dýman Arǵyngeldi
Basty sózder: Almaty, Jol, Qurylys,
Joǵary qaraı