Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 24 myń oqýshy jáne 1,8 myń júkti áıel Pfizer ekpesin saldyrdy

2022 jyldyń 17 qańtar 2022 12:52

ALMATY. QazAqparat - Almaty qalasynda bir táýlikte 1298 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«Ótken jyldyń 1 aqpany men osy jyldyń 16 qańtar aralyǵynda qalada 1 087 017 turǵyn vaktsınanyń birinshi komponentin, 1 035 121 adam ekinshi komponentin saldyrǵan. Onyń ishinde 123 538 adamnyń jasy 60-tan asqan»,- dep habarlady basqarmadan.

Búgingi tańda Pfizer (Comirnaty) kompanııasynyń ekpesin 33 510 adam saldyrdy. Onyń ishinde 1842 júkti áıel, 6 908 bala emizetin ana jáne 24 760 jasóspirim bar.

83 815 qala turǵyny revaktsınatsııadan ótti.

«Búgingi tańda qalada medıtsınalyq uıymdarda 119 vaktsınatsııa pýnkti jumys isteıdi. 140 vaktsınatsııa brıgadasynda 522 medıtsına qyzmetkerleri jumyldyryldy» - dep málim etti qalalyq qoǵamdyq densaýlyq basqarmasynyń baspasóz qyzmeti.


Joǵary qaraı