Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 283 kóshe jóndelip jatyr

2020 jyldyń 11 tamyz 2020 17:40

ALMATY. QazAqparat – Almaty qalalyq Mobıldilik basqarmasy basshysynyń orynbasary Ernur Abjahan onlaın-brıfıngte jol ınfraqurylymyn damytý jumystary týraly aıtyp berdi, dep habarlaıdy QazAqparat tilshisi.

Onyń aıtýynsha, aǵymdaǵy jyly «Jańa Almaty» baǵdarlamasy aıasynda Alataý aýdanynda jalpy uzyndyǵy 47,4 shaqyrymdy quraıtyn 177 kóshede jóndeý jumystary júrgizilýde, onyń ishinde búgingi kúni 112 kóshe boıynsha uzyndyǵy 18,6 shaqyrym jańa joldyń qurylysy aıaqtaldy. Jyldyń sońyna deıin qalǵan 65 kóshe paıdalanýǵa beriledi.

«Sonymen qatar, uzyndyǵy 200 shaqyrymdy quraıtyn 283 kóshege ortasha jóndeý júrgizý jáne uzyndyǵy 30 shaqyrym trotýarlar salý josparlanǵan. Qalanyń kóshe-jol jelisindegi joldy jóndeýde 300 myń sharshy metr asfalt-beton jabyndysyn jóndeý josparlanǵan. Búgingi kúni uzyndyǵy 62,6 shaqyrymdy quraıtyn 91 kóshe ortasha jóndeldi. Odan bólek, 151 myń sharshy metr kóleminde aǵymdaǵy jóndeý jumystary júrgizilip, uzyndyǵy 19,2 shaqyrym trotýarlar salyndy», – deıdi Ernur Abjahan.

Sondaı-aq, bıyl 3 kólik jolaıyryǵynyń qurylysy jalǵasýda: Rysqulov dańǵyly - Emtsov kóshesi, Seıfýllın dańǵyly – Jansúgirov kóshesi, Buqtyrma kóshesi – Qulja kúre jolynyń qıylysy. Sondaı-aq, Abaı dańǵyly men Saıyn kóshelerin uzartý jumystary júrip jatyr.

Joldar ınfraqurylymy jáne kóshe-jol jelisi obektilerinde 21 merdigerlik uıym jumyldyrylǵan, sonyń ishinde 4100 jumysshy jáne 1007 tehnıka birligi tartylǵan.



Avtor Alma Muqanova
Basty sózder: Qurylys, Almaty, Aımaq,
Joǵary qaraı