Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 37 etnomádenı birlestik jumys isteıdi

2022 jyldyń 30 sáýir 2022 05:07

ALMATY. QazAqparat - Búginde Almatyda 37 qalalyq etnomádenı birlestik bar. Bul týraly agenttik tilshisiniń saýalyna qala ákimdiginiń bergen jaýabynda aıtyldy, dep habarlaıdy QazAqparat tilshisi.

Ákimdik málimetine sáıkes, Almatyda ultaralyq dostyq pen qoǵamdyq kelisimdi saqtaýda eńbegi sińgen azamattar kóp. Olardyń qatarynda «Irnyhas «Osetın mádenı – aǵartý ortalyǵynyń» tóraǵasy Kazbek Mamsýrov, Qazaqstandyq Orys mádenı ortalyǵynyń tóraǵasy Vsevolod Lýkashev, «Qazaqstan uıǵyrlar qaýymdastyǵy» Almaty qalalyq fılıalynyń tóraǵasy Abaıdýllam Japarov, «Qazaqstan uıǵyrlar qaýymdastyǵy» Almaty qalalyq fılıaly tóraǵasynyń orynbasary Abdýhalıl Dolkýntaı, Túrik mádenı ortalyǵy tóraǵasynyń orynbasary Kazakbaı Kasımov, Ózbek ulttyq mádenı ortalyǵynyń tóraǵasy Abdýlla Ismatýllaev, Uıǵyr mádenı ortalyǵy tóraǵasynyń orynbasary Mahınýr Israılova, «Ildash» tatar gýmanıtarlyq damý ortalyǵynyń tóraǵasy Nýrııa Nııazova, «Arıana» aýǵan ortalyǵynyń tóraǵasy Vastok Ahmadýlla bar.

Sondaı-aq Almatydaǵy «Dostyq úıi» ultaralyq kelisimniń nyǵaıýyna septigin tıgizip keledi. Búginde munda etnomádenı birlestikterdiń ár ókiliniń kabıneti men jınalystar ótkiziletin jalpy májilis zaly bar.

Aıta keteıik, Almatyda 1 mamyr – Qazaqstan halqynyń birligi kúnine oraı merekelik sharalar bastalyp ketti. Mysaly, Іshki ister mınıstrliginiń akademııasy men Qazaqstan halqy Assambleıasy birlesip merekelik kontsert ótkizdi. Al 1 mamyrda Respýblıka saraıynyń janynda jalpyqalalyq kontserttik baǵdarlama usynylady.

Buǵan deıin Almaty ákimdigi Qazaqstan halqynyń birligi kúnine arnalǵan negizgi merekelik is-sharalar Respýblıka saraıy aldyndaǵy Abaı alańynda ótetinin habarlaǵan bolatyn.


Joǵary qaraı