Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 45 myń balany sport sektsııalaryna tegin jiberý úshin 1,7 mlrd teńge bólindi

2022 jyldyń 20 qańtar 2022 17:29

ALMATY. QazAqparat – Almatyda 45 myń balany tegin sport sektsııalarymen qamtamasyz etýge 1,7 mlrd teńge bólindi. Bul týraly qala aktıviniń otyrysynda shahar basshysy Baqytjan Saǵyntaev aıtty, dep habarlaıdy QazAqparat tilshisi.

B.Saǵyntaev keńeste sport ınfraqurylymyn damytý barysynan málimet berdi.

«2021 jyly Almatyda bıýdjet qarajaty esebinen «Aınabulaq-2», «Qulager» jáne «Kemel» yqshamaýdandarynda dene shynyqtyrý-saýyqtyrý keshenderi salyndy. Aǵymdaǵy jyldyń birinshi jartyjyldyǵynda «Zerdeli», «Alataý», «Jas-Qanat» yqshamaýdandarynda taǵy úsh nysan iske qosylady.

Naýryzbaı, Áýezov, Almaly jáne Túrksib aýdandarynda jergilikti bıýdjet esebinen 7 dene shynyqtyrý-saýyqtyrý kesheni jobalanýda, olardyń qurylysy jyl sońynda bastalady», - dedi qala ákimi.

Onyń aıtýynsha, Alataý aýdanynda 14 kortqa arnalǵan Tennıs ortalyǵynyń qurylysy aıaqtalýda (4 jabyq jáne 10 ashyq alań).

Bıyl jyl sońynda Alataý aýdanynda jeńil atletıka maneji men Bostandyq aýdanyndaǵy quzǵa órmeleý ortalyǵynyń qurylys jumystary bastalady.

«Sport ınfraqurylymyn damytýǵa jeke ınvestorlardy tartyp jatyrmyz. 2021 jyly ınvestorlar esebinen kópfýnktsıonaldy sport zal, basseın, sport kesheni, tennıs ortalyǵy salyndy», - dedi Baqytjan Saǵyntaev.

Bostandyq aýdanynda ámbebap zaly men basseıni bar sport kesheni, Alataý aýdanynda ústel tennısi ortalyǵy, Ortalyq demalys saıabaǵynda qalalyq velotrek salynýda.

Medeý jáne Bostandyq aýdandaryndaǵy skeıtpark, VMH-park, Áýezov aýdanynda kúres klýby jobalaý satysynda.

Ákim jan basyna qarjylandyrý aıasynda 45 myń balany tegin sport sektsııalarymen qamtamasyz etýge 1,7 mlrd teńge bólingenin habarlady.

Qalada 2400 ashyq sport alańy jumys isteıdi. Bıyl taǵy 261-i ashylady.

Bıýdjet jáne memlekettik-jekeshelik áriptestik esebinen 30 sport alańy salynady, olardyń jalpy sany 72-ge jetkiziledi.

Jalpy atalǵan sharalar men jan basyna shaqqandaǵy qarjylandyrýdy engizý esebinen balalardyń 77% úıirmeler men sektsııalarǵa tegin bara alady.


Avtor Dýman Arǵyngeldi
Basty sózder: Aımaq, Almaty, Ákim, Sport, Bala,
Joǵary qaraı