Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda «911»-diń analogy boıynsha Biryńǵaı qyzmet qurylady

2022 jyldyń 20 qańtar 2022 18:30

ALMATY. QazAqparat - Almaty ákimi Baqytjan Saǵyntaev qalada qaýipsizdik pen baılanys ınfraqurylymyn kúsheıtý jumystary týraly málim etti, dep habarlaıdy QazAqparat tilshisi.

«Sońǵy oqıǵalar qaladaǵy beınebaqylaý aımaǵyn ulǵaıtý boıynsha jumysymyzdyń durystyǵyn kórsetti. 2021 jyly 1 myńnan astam kamera, jol qaýipsizdigi úshin 2258 «Sergek» kamerasy iske qosyldy. Mektepterden 2620 kamera jáne 4 myńnan astam aýla kamerasy polıtsııanyń Jedel basqarý ortalyǵyna (JBO) qosyldy», - dedi Baqytjan Saǵyntaev.

Eki jyl ishinde Polıtsııa departamentiniń JBO-ǵa qosylǵan kameralar sany 4 ese ósken.

Bıyl Alataý, Naýryzbaı, Túrksib, Jetisý jáne Medeý aýdandaryndaǵy kópshilik jınalatyn jerlerde 3,5 myń kamera qosyldy, al shalǵaı aýdandarda 200-ge jýyq «Sergek» kesheni ornatyldy.

Baqytjan Saǵyntaevtyń tapsyrmasy boıynsha órt qaýipsizdigin arttyrý úshin az jabdyqtalǵan aýdandarda jańa depolardy jobalaý men salý jumystary bastalmaq.

Qazirgi ýaqytta Aıýsaı jáne Aqsaı ózenderiniń shatqaldarynda sel ustaıtyn eki bóget salynýda.

Jer silkinisi qaýpin aldyn ala eskertý úshin 11 seısmıkalyq stantsııa men 2 taldaý pýnkti ornatylady.

«Turǵyndar tótenshe jaǵdaıda ózin qalaı ustaý kerektigin bilýi kerek. Sondyqtan jaqyn arada biryńǵaı kezekshi dıspetcherlik qyzmeti ashylady. Ol - «911»-diń analogy. Qazir jabdyqtardy jóndeý jáne qyzmetkerlerdi oqytý júrip jatyr», - dep atap ótti ákim.

Sondaı-aq, qalada ınternet pen mobıldi baılanys máselesin sheshý úshin ınvestorlar tartylǵan. Osynyń arqasynda 500 km magıstraldyq talshyqty-optıkalyq baılanys jelileri salyndy, 1,8 myń km klıenttik kabel tóseldi.

Nurshashqan, Álmerek, Qaırat, Dostyq, Altyn besik, Tastybulaq, Taýsamaly, Aqjar, Qalqaman-2, Shuǵyla, Alǵabas, Terekti yqshamaýdandaryna ınternetke qosylý múmkindigi týdy.

Bıyl talshyqty-optıkalyq baılanys jelileriniń qurylysy jalǵasady, oǵan 20 myńnan astam abonent qosylatyn bolady.


Joǵary qaraı