Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda Abaı dańǵylynan joǵary salynatyn ǵımarattardyń qabat sany shekteldi

2022 jyldyń 24 qańtar 2022 16:19

ALMATY. QazAqparat- Almaty ákiminiń orynbasary Muhıt Ázirbaev onlaın brıfıng barysynda qaladaǵy qurylystarǵa qoıylatyn jańa talaptar týraly aıtyp berdi, dep habarlaıdy QazAqparat tilshisi.

Onyń aıtýynsha, qurylystyń jańa erejeleri ótken jyly tarıhı ortalyqtyń saqtalýyn eskere otyryp qabyldandy.

Olarǵa mektepterdi, balabaqshalardy jáne basqa da ınfraqurylymdy qadamdyq qoljetimdilikpen qamtamasyz etý boıynsha turǵyn úı keshenderin salýshylardyń mindettemesi de engizilgen.

«Abaı dańyǵylynan joǵary ál-Farabı dańǵyly men Jandosov kóshesine deıingi, Shyǵys aınalma jolynan Saın kóshesine deıingi ýchaskelerdegi turǵyn úı ǵımarattarynyń bıiktigi shekteledi», - dedi ol.

Turǵyn úı ǵımarattarynyń bıiktigin shekteý sebepteriniń ishinde ákim orynbasary mynany atap ótti:

- qalanyń tabıǵı jaǵdaılaryn da, sáýlettik dástúrlerin de eskermeıtin turǵyn úı ǵımarattarynyń tıpterin qoldana otyryp, jańa qurylysqa tán kelbettiń bolmaýy;

- burynnan bar sáýlet-landshaftyq kórikti jerlerdi saqtaý jáne anyqtaý qajettiligi;

- jaıly keńistik qurý jáne qalyptastyrý;

- qalanyń taý etegindegi turǵyn úı qurylysynyń joǵary tyǵyzdyǵy;

- áleýmettik jáne kólik ınfraqurylymynyń talap etiletin deńgeıiniń bolmaýy;

- ártúrli jaǵdaılarda, onyń ishinde qaýipsizdik bóliginde bıik turǵyn úı ǵımarattaryn paıdalanýǵa jáne olarǵa qyzmet kórsetýge qoıylatyn normatıvtik talaptardyń bolmaýy.

Osyǵan baılanysty kórsetilgen aýdandardaǵy ǵımarattar bıiktiginiń shekti parametrlerin 5 jáne 9 qabattan aspaıtyn etip salý usynylady.

Sondaı-aq, spıker eskirgen turǵyn úılerdi renovatsııalaý baǵdarlamasyn odan ári iske asyrý týraly aıtyp berdi.

«Menshik ıeleriniń 100%-y jeke ınvestordy tartýdy qoldaıtyn úılerdi qospaǵanda, eskirgen turǵyn úı qoryn bıýdjet qarajaty esebinen renovatsııalaý baǵdarlamasyn odan ári iske asyrý boıynsha sheshim qabyldandy», - dep atap ótti ákim orynbasary.

Spıkerdiń sózinshe, qazirgi ýaqytta qalada 1930-1975 jyldary salynǵan, paıdalaný merzimi ótken 1427 eki qabatty úı bar, onda 60 myńnan astam adam turady

6637 páterli 708 eski úıdi buzý jáne 34 605 páterli 683 turǵyn úı salý josparda.

«Eski úılerdiń turǵyndary jańa turǵyn úı qoryna kóshiriledi, al buzylatyn turǵyn úı aýmaqtary qala muqtajyn qamtamasyz etý jáne jaıly ortany qalyptastyrý úshin paıdalanylady», - dep túsindirdi Muhıt Ázirbaev.


Avtor Alma Muqanova
Basty sózder: Qurylys, Almaty,
Joǵary qaraı