Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Almatyda Ábish Kekilbaevtyń atyna kóshe ataýy berildi

2019 jyldyń 20 qyrkúıek 2019 12:06

ALMATY. QazAqparat – Almatyda Ábish Kekilbaevtiń qurmetine kóshe ataýy berildi, dep habarlaıdy QazAqparat tilshisi.

Almatydaǵy Kablýkova kóshesi endi Ábish Kekilbaev dep atalatyn boldy.

Kósheniń ashylý rásimine Almaty ákimi Baqytjan Saǵyntaev qatysty.

«Búgingi sharanyń Almaty qalasynda ótýiniń mańyzy zor. Uly jazýshy bozbala shaǵynda osynda kelip, ómiriniń eń baqytty da maǵynaly shaqtaryn osy Almaty qalasynda ótkizdi. Jazýshylyq ónerdiń, sýretkerlik sheberliktiń shyńyna shyqty. Memlekettik qyzmet pen saıasat sahnasynda jasyndaı jarqyldap, sóz bastar sheshenge, oı tastar kósemge aınaldy. «Jaqsy bolýdyń jaqsylyq jasaýdan basqa joly joq» deıtin Ábish Kekilbaıevtiń sózinde de, shyǵarmashylyǵynda da jasandylyq bolǵan joq. Ábishtiń shyǵarmalaryn oqı otyryp, qazaq degen halyqtyń ulttyq minezin, mádenıetiniń san qyrly qatparyn jazbaı tanýǵa bolady. Ol týyndylar ult tarıhynyń jylnamasyndaı, ózimiz ómir súrip jatqan qoǵam men zamannyń tynysyndaı boldy»,- dedi Baqytjan Saǵyntaev.





Sondaı-aq, Ábish Kekilbaevtyń 80 jyldyǵyna oraı, N.Nazarbaev dańǵyly, 118-de eskertkish taqta ashylady. Abaı atyndaǵy Qazaq memlekettik akademııalyq opera jáne balet teatrynda merekelik kesh ótedi.

Bul sharalarǵa jazýshynyń jaqyn týystary, dostary, zamandastary, memlekettik qyzmetkerler, mádenıet qaıratkerleri qatysady dep kútilýde.





Joǵary qaraı