Aýa raıy
Astana 10 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Almatyda adamdardy kóligimen qaqqan kúdiktiniń biri eki aıǵa qamaldy

2019 jyldyń 18 qyrkúıek 2019 17:10

ALMATY. QazAqparat - Almatyda adamdardy kóligimen qaqqan ekinshi kúdikti qamaýǵa alyndy, dep habarlaıdy QazAqparat tilshisi.

«1995 jyly týǵan kúdiktige 16 qyrkúıekte izdeý jarııalanǵan kezde qamaýǵa alýǵa sanktsııa berildi. Sot ony eki aıǵa qamaýǵa alý týraly sheshim qabyldady. 18 qyrkúıekte sot sanktsııany oryndy dep tapty. Kúdikti 16 qarashaǵa deıin qamaýda bolady. Odan keıin, sanktsııa uzartylady nemese is sotqa jiberiledi», - delingen qalalyq sot taratqan habarlamada.

Esterińizge salaıyq, oqıǵa 26 tamyz kúni, taǵy saǵat 4-ter shamasynda bolǵan. Áleýmettik jelide kóliktiń birneshe adamdy qaǵyp ketken vıdeosy jarııalandy. Keıin Almaty polıtsııasy kólikpen adamdardy qasaqana qaǵý oqıǵasyna qatysty tolyq aqparatty taratty.

Sol kúni, dárigerler kólik qaqqan úsh adamnyń jaǵdaıy týraly aıtty.

Tártip saqshylary adamdardy qaqqan kólikterdi taýyp, arnaıy avtoturaqqa jetkizdi.

Kúdiktiler aǵaıyndylar ekeni anyqtaldy. Analary balalarynyń mundaı qadamǵa ózderin qorǵaý úshin barǵanyn alǵa tartty. Keıin, jelide kýágerler túsirgen taǵy bir vıdeo paıda boldy. 16 qyrkúıek kúni izdeýde bolǵan ekinshi kúdikti ustaldy.


Avtor Alma Muqanova
Basty sózder: Almaty, Qylmyspen kúres, Sot,
Joǵary qaraı