Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda aqyn Shómishbaı Sarıevtiń 75 jyldyǵyna arnalǵan fleshbýk bastaldy

2021 jyldyń 15 sáýir 2021 13:12

ALMATY. QazAqparat - Jambyl atyndaǵy qalalyq jasóspirimder kitaphanasynda aqyn Shómishbaı Sarıevtiń týǵanyna 75 jyl tolýyna arnalǵan fleshbýk bastaldy, dep habarlaıdy QazAqparat tilshisi.

Aqynnyń ómiri men shyǵarmashylyǵyna arnalǵan «Sezim aqyny» atty fleshbýkti onlaın tamashalaýǵa bolady.

Shómishbaı Sarıev 1946 jyly 15 sáýirde Qyzylorda oblysy, Aral aýdany, Shómish stansasynda dúnıege kelgen.

Eńbek jolyn Qazaly aýdandyq «Lenın týy», Aral aýdandyq «Tolqyn» gazetterinen bastaǵan. Keıinnen «Qazaqstan» baspasynyń redaktory, «Juldyz» jýrnaly bóliminiń meńgerýshisi, Qazaqstan Respýblıkasy Ulttyq ǵylym akademııasy Muhtar Áýezov atyndaǵy Ádebıet jáne óner ınstıtýtynyń ǵylymı, aǵa ǵylymı qyzmetkeri bolǵan.

1971 jyly QazMÝ-diń jýrnalıstıka fakýltetin bitirgen.

Alǵashqy jyr jınaǵy 1974 jyly «Baldáýren» degen atpen jaryq kórgen. Sodan bergi aralyqta qazaq, orys tilderinde on bes shaqty kitaby shyqty.

«Tarlan» syılyǵynyń ıegeri. Qazaqstannyń eńbek sińirgen qaıratkeri Shómishbaı Sarıev bıyl 15 aqpan kúni 75 jasqa qaraǵan shaǵynda qaıtys boldy.


Avtor Alma Muqanova
Basty sózder: Óner, Mádenıet, Almaty,
Joǵary qaraı