Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ál-Farabı dańǵylynyń boıynda bir úıir jylqy jaıylyp júr

2021 jyldyń 15 qyrkúıek 2021 14:30

ALMATY. QazAqparat – Almaty polıtsııasy ál-Farabı dańǵylynyń boıynda jaıylyp júrgen bir úıir jylqynyń ıelerin taýyp, olarǵa aıyppul saldy, dep habarlaıdy QazAqparat tilshisi.

Ál-Farabı dańǵylynyń boıyndaǵy prezıdenttik saıabaqtyń mańynda jaılyp júrgen jylqylardyń vıdeosy áleýmettik jelide tarady.

Polıtsııa departamenti jylqylardyń ál-Farabı dańǵylynda jaıylyp júrgeni týraly aqparat rastalǵanyn habarlady.

«Atalǵan mekenjaıǵa Bostandyq aýdanynyń tabıǵatty qorǵaý polıtsııasynyń qyzmetkerleri attandy. Tártip saqshylary janýarlardyń (jylqylardyń) ıesin anyqtady. Olarǵa qatysty QR Ákimshilik quqyq buzýshylyq týraly zańnamasynyń 408 -baby boıynsha ákimshilik hattama jasaldy. Aıyppul salyndy. Sonymen qatar, profılaktıkalyq áńgime júrgizildi», - dedi Bostandyq aýdandyq polıtsııa basqarmasynyń bastyǵy Dýman Aýhadıev.

Aıta keteıik, jylqylardyń ıesi Almatynyń Naýryzbaı aýdanynda turady.



Joǵary qaraı