Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Almaty Invest» halyqaralyq ınvestıtsııalyq forýmy ótedi

2021 jyldyń 29 qarasha 2021 12:06

ALMATY. QazAqparat – Almaty Investment kezekti forýmy qarsańynda Kásipkerlik jáne ınvestıtsııalar basqarmasynyń basshysy Erkebulan Orazalın sharada qandaı máseleler talqylanatyny jáne osy jyly qandaı formatta ótetini týraly aıtyp berdi, dep habarlaıdy QazAqparat tilshisi.

Almaty qalasy Kásipkerlik jáne ınvestıtsııalar basqarmasynyń basshysy Erkebulan Orazalın «Almaty Invest» halyqaralyq ınvestıtsııalyq forýmynyń mańyzdylyǵyna toqtaldy.

«Almaty Investment» – kásipkerlikti damytý men qalanyń ınvestıtsııalyq tartymdylyǵyn arttyrýdy talqylaýǵa arnalǵan basty ınvestıtsııalyq forým. Investforým 2013 jyldan beri ótkizilip keledi jáne búkil álemniń memlekettik sektor, bıznes basshylary men ınvestıtsııalar men ınnovatsııalar salasyndaǵy jahandyq kóshbasshylardyń kezdesýine arnalǵan eksklıýzıvti alań bolyp qala beremek.

Bıyl ınvestforýmda Almaty úshin strategııalyq máseleler – aglomeratsııa, ýrbandalý, tsıfrlyq transformatsııa jáne adamı kapıtaldy ıntegratsııalaý talqylanady», - deıdi basqarma basshysy.

Osy forým aıasynda qala ákimderimen «Jańa Jibek joly megaqalalar» telekópiri, qazaqstandyq jáne sheteldik kompanııalardyń sarapshylary men iri ókilderiniń qatysýymen paneldik pikirtalastar, «Jyl jobalary» kórmesi ótedi, onda Almaty qalasynyń aldyńǵy qatarly jobalary men bastamalary usynylady.

Sonymen qatar, bıyl Almatynyń Іskerlik keńesi alǵash ret áleýmettik jobalar konkýrsyna bastamashy boldy, onyń qorytyndysy boıynsha úzdikterdi keńes músheleri men qala metsenattary qarjylandyrady.


Joǵary qaraı