Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda altyn saýdasyn qyzdyryp, halyqty topyrlatqan bazar basshylyǵy jazalandy

2020 jyldyń 7 tamyz 2020 23:28

ALMATY. QazAqparat – Almaty «baraholkasynda» altyndy jappaı satylymǵa shyǵaryp, kóp adamdy shoǵyrlandyrǵan bazar basshylaryna aıyppul salyndy, dep habarlaıdy QazAqparat tilshisi.

Bul týraly Instagram jelisinde jarııalanǵan.

Bul postqa qatysty Jetisý aýdany ákimi Maqsat Qıqymov túsinik berdi.

«5 tamyzda reıd barysynda mobıldi top «Alataý-1» bazarynda sanıtarlyq talaptardyń buzylýy halyqtyń top bolyp shoǵyrlanýyna alyp keldi. Áleýmettik qashyqtyq saqtalmady, edende belgiler bolmady. Osyǵan baılanysty «Dostar Saýda» JShS-ne qatysty QR Ákimshilik quqyq buzý kodeksiniń 425-baby 1-bóligi boıynsha 861 myń teńge somasyna ákimshilik hattama toltyryldy», - deıdi aýdan ákimi.

Onyń aıtýynsha, apta saıyn turǵyndar arasynda koronavırýs ınfektsııasynyń taralýyna jol bermeý maqsatynda Jetisý aýdany taýarlar men qyzmetterdiń qaýipsizdigi men sapasyn baqylaý basqarmasynyń qyzmetkerleri Jetisý aýdany ákimi apparatynyń jáne polıtsııa basqarmasynyń qyzmetkerlerimen birlesip, kásipkerlik obektilerinde sanıtarlyq-epıdemıologııalyq normalardy saqtaý úshin turaqty negizde reıd júrgizedi.


Joǵary qaraı