Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda antıterror talaptaryn elemegen nysan basshylaryna aıyppul salyndy

2020 jyldyń 18 qyrkúıek 2020 17:44

ALMATY. QazAqparat – Almatyda úsh nysannyń basshysyna antıterrorlyq qorǵanys talaptaryn buzǵany úshin aıyppul salyndy, dep habarlaıdy QazAqparat tilshisi.

Almaty qalalyq polıtsııa departamentiniń habarlaýynsha, megopolıste terrorıstik turǵyda osal obektilerdiń ınjenerlik - tehnıkalyq bekinisi boıynsha nysandarda tekserý sharalary júrgizildi. Mundaı tekserýler elimizdiń «Terrorızmge qarsy is-qımyl týraly» 1999 jylǵy 13 shildedegi zańynyń 10-3 baby talaptaryna sáıkes jáne Úkimettiń 2015 jylǵy 03 sáýirdegi «Terrorıstik turǵydan osal obektilerdiń terrorızmge qarsy qorǵalý júıesine qoıylatyn talaptardy bekitý týraly» qaýlysy negizinde júzege asyrylady.

«2020 jyldyń basynan beri Almatyda terrorıstik turǵydan osal 127 nysan tekserildi. Onyń nátıjesi boıynsha 98 nysannyń basshylaryna kemshilikterdi joıý týraly eskertpe qaǵazdary berildi jáne úsh nysan basshylaryna QR ÁQbK 149-babyna sáıkes ákimshilik hattama jasaldy. Tekserý nátıjesi boıynsha 29 nysan antıterrorlyq qaýipsizdik talaptaryna sáıkes keledi», – deıdi Almaty qalalyq polıtsııa departamenti ókili Máýlen Qasymjan.

Epıdemıologııalyq jaǵdaıǵa baılanysty terrorıstik turǵydan osal nysan basshylary men jeke quramy arasynda nysandardy antıterrorlyq qorǵaý jáne olardyń osy saladaǵy mindettemelerdi saqtaý máseleleri boıynsha túsindirme jumystary júrgizilýde.

Ádistemelik usynystar men jadynamalar terrorızmge osal nysandardyń basshylary men jumysshylaryna Іshki ister mınıstrligi ázirlegen qaýip nemese terrorızm aktisi kezindegi is-áreket erejeleri boıynsha elektrondy formatta jiberiledi.


Joǵary qaraı