Aýa raıy
Astana 6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda aptap ystyq bolady

2020 jyldyń 5 tamyz 2020 15:23

ALMATY. QazAqparat - Almaty qalalyq Tótenshe jaǵdaılar departamenti Qazgıdrometke silteme jasap aýa raıyna qatysty eskertý jarııalady, dep habarlaıdy QazAqparat tilshisi.

6-8 tamyz aralyǵynda Almatyda synap baǵanasy 35 gradýsqa deıin kóteriledi. Kún qatty ystyq bolýy yqtımal.

Osyǵan baılanysty,TJD tómendegi qaýipsizdik sharalaryn saqtaýdy usynady:

– Kún sáýlesi tikeleı túsetin jerlerde múmkindiginshe az bolýǵa tyrsyńyz. Esińizde bolsyn, saǵat 12:00-den 16;00-ge deıingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kıim kıińiz jáne kúnen qorǵaıtyn syqpa maı qoldanyńyz;

– Іshimdik ishpeńiz – alkogol ystyqta aǵzaǵa tez áser etedi jáne dene joǵary temperatýraǵa sezimtal bolady;

– Suıyqty (salqyndatylǵan sý, mıneraldy sý) múmkindiginshe kóp ishińiz;

– Denege salmaq túsirmeńiz. Kúshti júkteme ystyqta jylý almasýdy arttyrady da aǵzany sýsyzdanýǵa ákelip soqtyrady;

– Avtokólikpen uzaq sapardy shekteýińiz kerek. Eger bul múmkin bolmasa, jolda múmkindiginshe abaı bolyńyz, sebebi, qatty ystyqtan kóńil kúı tómendep adam ózin ózi nashar sezinýi múmkin jáne reaktsııa tómendeıdi;

–Balalardy kóliktiń ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin;

- Eger siz tótenshe jaǵdaıǵa tap bolsańyz jáne ómirińizge qaýip tónse, «112», «101» biryńǵaı qutqarý qyzmetine qońyraý shalyńyz (qońyraý shalý tegin).



Joǵary qaraı