Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda aýyl sharýashylyǵy basqarmasynyń laýazymdy qyzmetkerleri 50 mln teńge urlaǵan

2022 jyldyń 26 mamyr 2022 10:49

TALDYQORǴAN. QazAqparat - Almaty oblysy ákimdigi Aýyl sharýashylyǵy basqarmasynyń qyzmetkerleri 50 mln teńge urlady degen kúdikke ilindi, dep habarlady QazAqparat.

«Qylmystyq Kodekstiń 189-baby 4-bóligi 2-tarmaǵy boıynsha «Almaty oblysynyń Aýyl sharýashylyǵy basqarmasy» MM eks-basshysy men laýazymdy tulǵalaryna qatysty zańsyzdyq anyqtaldy. Olar qarjy ınstıtýtynyń basshysymen aldyn ala sóz baılasyp, «Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan» memlekettik baǵdarlamasy aıasynda agroónerkásiptik keshen sýbektileri shekken shyǵystardyń bir bóligin óteý boıynsha sýbsıdııalaýǵa bólingen 50 000 000 teńge somasynda bıýdjet qarajatyn jymqyrǵan. Kúdiktiler aýyl sharýashylyǵy jabdyqtaryn joǵary quny boıynsha jetkizbek bolǵan. Osy derek negizinde sotqa deıingi tergeý tirkeldi», - dep jazdy Almaty oblysynyń Antıkorrýptsııalyq qyzmeti.

Tergeý jalǵasýda. Ózge aqparat tergeý múddesine baılanysty jarııa etýge jatpaıdy.


Joǵary qaraı