Almatyda áıelder alleıasy ashylyp, 200 kóshet otyrǵyzyldy
ALMATY. QazAqparat - Almatyda 8 naýryz qarsańynda áıelder alleıasy ashylyp, onda 200 kóshet otyrǵyzyldy, dep habarlaıdy QazAqparat tilshisi.
Bul sharaǵa qalalyq Jasyl ekonomıka basqarmasynyń basshysy Natalıa Lıvınskaıa, Jetisý aýdanynyń ákimi Gúlnar Kokobaeva, Májilis depýtaty Aıjan Sqaqova qoǵam qaıratkerleri qatysty.
«Qazirgi zamanda áıeldiń róli erlermen qatar mańyzdy. Qazir názik jandylar saıasat, ekonomıka, medıtsına men basqa da salalarda jumys isteıdi. Osy alleıany biz áıelder alleıasy dep ataımyz.
Ol - aqyl, parasattyń sımvoly», - dedi Natalıa Lıvınskaıa.
Bul alleıa Jetisý aýdanyndaǵy Kókjıek shaǵyn aýdanynda ornalasqan. Munda 4500 kóshet otyrǵyzylatyn bolady.
Basqarma ókilderi gúlderdi otyrǵyzyp qana emes, ony kútip baptaýdy qolǵa almaq.
Bıyl qalada 350 myń aǵash otyrǵyzý josparlanǵan. Barlyǵy 3 jylda 1 mln kóshet otyrǵyzylady.
