Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bilim berý ortalyǵynda bir jarym jasar qyzdy uryp-soǵý jóninde is qozǵaldy

2021 jyldyń 17 sáýir 2021 16:25

ALMATY. QazAqparat – Almatyda qalalyq polıtsııa departamenti balalarǵa bilim berý ortalyqtarynyń birinde 1,5 jasar qyzdy uryp-soǵý oqıǵasyna túsinik berdi, dep habarlaıdy QazAqparat.

«NeMolchıKz» qorynyń negizin qalaýshy Dına Tansarı óziniń Facebook paraqshasynda balada soqqy izderi men mı jaraqaty bar ekenin jazdy.

«Dırektor muny ózi sekildi basqa bala jasady dep málimdeıdi. Oǵan sený qıyn», - dep jazdy ol.

Polıtsııa departamentiniń baspasóz qyzmeti habarlaǵandaı, atalǵan fakti QR QK 141-baby (Balalardyń ómiri men densaýlyǵynyń qaýipsizdigin qamtamasyz etý mindetterin tıisinshe oryndamaý) boıynsha sotqa deıingi tergep-tekserýdiń biryńǵaı tiziliminde tirkeldi jáne Jetisý aýdandyq polıtsııa basqarmasynyń is júrgizýine berildi.

«Tergeý aıasynda tıisti jumystar men saraptamalyq zertteýler júrgiziledi, olardyń nátıjesinde qylmystyq is boıynsha is júrgizý sheshimi qabyldanady», - dep atap ótti qalalyq polıtsııa departamenti.


Foto: facebook.com/dina.tansari
Avtor Aıjan Serikjanqyzy
Basty sózder: Bilim, Oqıǵa, Almaty,
Joǵary qaraı