Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bir otbasy kómirqyshqyl gazyna ýlandy

2021 jyldyń 6 qarasha 2021 14:30

ALMATY. QazAqparat - Almatyda bir otbasydan 4 adam kómirqyshqyl gazyna ýlanyp qaldy, dep habarlaıdy QazAqparat tilshisi.

Almaty qalalyq Tótenshe jaǵdaılar departamenti baspasóz qyzmetinen málim etkendeı, jylytý júıesindegi aqaýlar - ýly gazben ýlanýdyń negizgi sebepteriniń biri.

«5 qarasha kúni, tańǵy saǵat 08:30-da Almaty qalalyq TJD-ge Bostandyq aýdanynyń Nurlytaý yqshamaýdanynda peshtiń aqaýy saldarynan tórt adamnan turatyn otbasy (úıdi jaldaýshylar) ýly gazben ýlanǵany týraly habarlama tústi. Úsh balanyń anasy 40 jastaǵy áıel aýrýhanaǵa jatýdan bas tartty. Alaıda, onyń balalary 20 jáne 12 jastaǵy uldary, 11 jastaǵy qyzy ortasha jáne jeńil dárejeli aýyr halde aýrýhanaǵa tústi. Tekserý barysynda peshtiń jaryqshaqtary men tesikteri bolǵany anyqtaldy. Sonyń saldarynan úıge ýly gaz taraýy múmkin», - dep túsindirdi qalalyq TJD-de.

Dárigerlerdiń aıtýynsha, balalardyń jaǵdaıy qanaǵattanarlyq. Olardyń ómiri men densaýlyǵyna eshqandaı qaýip tónip turǵan joq.

«QR Ákimshilik quqyq buzýshylyq týraly kodeksiniń 410-babynyń 1-bóligine sáıkes, atap aıtqanda, qatty otynmen jylytylatyn peshterdi paıdalaný kezinde órt qaýipsizdigi talaptaryn buzǵany úshin úıdiń jalǵa alýshysy ákimshilik jaýapkershilikke tartyldy», - dep tolyqtyrdy vedomstvodan.


Joǵary qaraı