Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bir táýlikte 10 myńnan astam adam vaktsına aldy

2021 jyldyń 29 maýsym 2021 11:06

ALMATY. QazAqparat - Almaty qalasynda bir táýlikte 10 398 adam koronavırýsqa qarsy vaktsına saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«28 maýsym kúni 10 398 almatylyq vaktsına saldyrdy. Bıylǵy jyldyń 1 aqpany men 28 maýsymy aralyǵynda qalada barlyǵy 444 311 adamǵa ekpe salyndy. Vaktsına alǵandardyń jalpy sanynan 60 jastan asqan qart kisiler - 74 656», - dep habarlady basqarmadan.

Qalada 208 egý pýnkti jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.

«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkti jumys isteıdi», - dep naqtylady Qoǵamdyq densaýlyq saqtaý basqarmasynyń baspasóz qyzmeti.

Qala boıynsha vaktsınanyń – birinshi komponentiniń 31 321 dozasy jáne ekinshi komponentiniń 100 792 dozasy bar.

Aıta keteıik, 26 maýsym kúni Almatyǵa QazVac vaktsınasynyń 1 jáne 2 komponentiniń 9 myń dozasy jetkizildi


Joǵary qaraı