Almatyda bir táýlikte 56 mototsıklshige aıyppul salyndy
ALMATY. QazAqparat – Almatyda bir táýlik ishinde 56 mototsıklshige aıyppul salyndy, dep habarlaıdy QazAqparat tilshisi.
«Bul reıdtik sharalar eń aldymen joldaǵy jaǵdaıdy turaqtandyrýǵa, jazataıym oqıǵalardy azaıtýǵa jáne azamattardyń tynyshtyǵyn qamtamasyz etýge baǵyttalǵanyn atap ótkim keledi. Ásirese, qala joldarynyń boıynda ornalasqan úılerdiń turǵyndary. Jyldam júrý, aıqaılaý jáne rezonatorlardyń jumysyna narazylyq bildiretin turǵyndardan kóptegen ótinishter túsedi. Aıtpaqshy, olardyń ishinde qart adamdar men kishkentaı balalary bar azamattar bar. Osy faktorlardyń barlyǵy qala joldarynda shıelenisti jaǵdaı týǵyzady. Osyǵan baılanysty polıtsııa maqsatty jumys júrgizýde», – dedi Almaty qalalyq PD jergilikti Polıtsııa qyzmeti basqarmasynyń bastyǵy Manap Satarov
Onyń aıtýynsha, ótken táýliktiń ishinde polıtseıler 56 jol qozǵalysy erejelerin buzý oqıǵasyn anyqtaǵan.
Atap aıtqanda, kólik quralyn memlekettik nómirlik belgileri joq júrgizýdiń jeti faktisi, júrgizýshi kýáliginsiz kólikti basqarý faktisi 11, kólik quralyn saqtandyrý polısinsiz júrgizý 4 , 1 kólik quralyn zańsyz aýystyrý faktisi jáne t.b. 12 mototsıkl mamandandyrylǵan aıyppul turaǵyna ákelindi.
