Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bir terapevtik ýchaske júktemesi 2 myń adamnan asady

2021 jyldyń 24 qarasha 2021 17:05

ALMATY. QazAqparat - Almatyda bir terapevtik ýchaske júktemesi 2 myń adamnan asady. Bul týraly brıfıng barysynda qoǵamdyq densaýlyq basqarmasy basshysynyń orynbasary Laýra Myrzaǵalı aıtty, dep habarlaıdy QazAqparat tilshisi.

«Búgingi kúni Almaty qalasy boıynsha jalpy praktıka dárigeriniń bir ýchaskesine júkteme – 1 616 adam, josparly júkteme – 1 700 adam, bir terapevtik ýchaskege – 2 164 eresek adam, jospar boıynsha – 2 200 adam, pedıatrııalyq ýchaskede jospar boıynsha 6 jasqa deıingi 500 bala bolýy tıis, al mundaǵy balalar sany – 777»,- deıdi densaýlyq saqtaý basqarmasynyń ókili.

Onyń aıtýynsha, búginde pedıatrııalyq ýchaskelerde 14 jasqa deıingi balalar tirkelgen. 6 jasqa deıingi balalarǵa qyzmet kórsetetin pedıatrııalyq ýchaskelerdiń júktemesi kezeń-kezeńmen azaıtylatyn bolady.

«Jalpy praktıka dárigerleriniń júktemesin eskere otyryp, bıyl Almatyda MSAK uıymdarynda jalpy praktıka dárigerleriniń 15 qosymsha ýchaskesi ashyldy. Qala boıynsha barlyǵy 989 ýchaske uıymdastyrylǵan»,- deıdi ol.

Sonymen qatar, Laýra Myrzaǵalı Almaty turǵyndary búgin «Damý» mobıldik qosymshasynda elektrondyq qyzmetterdiń keń spektrin paıdalana alatynyn málim etti.

Mysaly, dárigerdiń qabyldaýyna jazylý, dárigerdi úıge shaqyrý, zerthanalyq zertteýlerdiń nátıjelerin, aýrýhana paraqtaryn qaraý, dári-dármekterdi tabý jáne taǵy basqalary.

«Nátıjesinde patsıentterge qyzmet kórsetý ýaqyty 20%-ǵa, kezekte turý ýaqyty 30%-ǵa qysqardy. Patsıentti dárigerge jazý ýaqyty 2 ese jáne dárigerdi úıge shaqyrý ýaqyty 1,5 ese azaıdy», - dep atap ótti spıker.


Avtor Alma Muqanova
Basty sózder: Almaty, Medıtsına, Qoǵam,
Joǵary qaraı