Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bıyl 4 myńǵa jýyq páterdi paıdalanýǵa berý josparlanǵan

2021 jyldyń 28 qazan 2021 21:34

ALMATY. QazAqparat – Almatyda baspana kezeginde turǵandardyń sany artyp keledi. Bul týraly baspasóz máslıhatynda qalalyq Jaıly orta basqarmasynyń basshysy Sapar Nurashev atty, dep habarlaıdy QazAqparat tilshisi.

«Bıyl jalpy aýdany 248,5 myń sharshy metr nemese 3 959 páter paıdalanýǵa berý jospary bekitildi, onyń ishinde 1 892 páter «satyp alý quqyǵynsyz jalǵa berý» jelisi boıynsha jáne 2 067 páter «bank salymshylary men JAO-da kezekte turǵandar úshin kredıttik turǵyn úı» jelisi boıynsha. Biz «Otbasy bankimen» birlesip memlekettik baǵdarlamany júzege asyryp jatyrmyz», - dedi spıker.

Mysaly, bıyl Naýryzbaı aýdanynyń «Alma Sity-5» turǵyn úı kesheninde 37 úı nemese 1 110 páter salyndy. Osy aýdanda ınvestor qarjysy esebinen «KazahStroı» JShS 1 200 oryndy mekteptiń qurylysyn bastady.

Sonymen qatar, Alataý aýdanyndaǵy «Mádenıet» turǵyn úı kesheninde 4 úı nemese 144 páter salyndy, munda 160 oryndyq balabaqshanyń qurylysy josparlanǵan.

«Bul úılerdiń barlyǵy paıdalanýǵa berildi, kezekte turǵandardyń bir bóligi páterlerin aldy», - dedi Sapar Nurashev.

Qazirgi ýaqytta Túrksib aýdanynyń «Jas Qanat-2» TK qurylys-montajdaý jumystary júrip jatyr. Munda josparlaý jobasymen toǵyz qabatty 41 úıdiń qurylysy qarastyrylǵan, onyń ishinde jyl sońyna deıin 2 705 páterlik 35 úı salynady. Qalǵan alty kópqabatty úı 2022 jyly salynady.

Spıker Almatyda qala turǵyndarynyń turǵyn úı jaǵdaıyn jaqsartý boıynsha jumys jalǵasatynyn atap ótti.


Joǵary qaraı