Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda bıyl kem degende 50 myń jumys ornyn ashý mindeti tur - Maqsat Qıqymov

2022 jyldyń 22 qańtar 2022 01:51

ALMATY. QazAqparat- Almatyda jastar praktıkasy boıynsha jalaqy 122,5 myń teńgeni (40 AEK) quraıdy, ol úshin Almaty ákimdigi 335,3 mln teńge bóldi. Bul týraly onlaın brıfıngte Almaty ákiminiń orynbasary Maqsat Qıqymov málimdedi, dep habarlaıdy QazAqparat tilshisi.

«Ótken jyly jumyssyzdyq 5,3%-dan 5,1%-ǵa deıin tómendedi. Eńbek mınıstrligi belgilegen jospar boıynsha 51,7 myń, bir jylda 55,5 myń jańa jumys orny quryldy. Jumyssyzdyqty azaıtý boıynsha jumystar jalǵasatyn bolady», - dedi ol.

Bıylǵy jyly 7 ulttyq joba sheńberinde 13 267 jumys ornyn qurý josparlanýda.

Jeke bastamalar aıasynda 3 ákimshi 500 jumys ornyn quryp, 20 jobany iske asyrady: Týrızm basqarmasy – 258, «Jasyl ekonomıka» – 198, Sport – 44.

Kásipkerlik sýbektileri qalanyń 8 aýdanynda 30 994 jumys ornyn ashýdy josparlap otyr:

Alataý aýdany – 3800, Almaly aýdany – 4190, Áýezov aýdany – 4500, Bostandyq aýdany – 4104, Jetisý aýdany – 3500, Medeý aýdany – 3700, Naýryzbaı aýdany – 3400, Túrksib aýdany – 3800.

Jalpy, atalǵan sharalardyń arqasynda kem degende 50 myń jumys ornyn qurý mindeti qoıyldy.

Budan basqa, Almaty ákimi Baqytjan Saǵyntaevtyń tapsyrmasy boıynsha jastardy kásiptik-tehnıkalyq daıarlaý jáne jumyssyzdardy qaıta oqytý kúsheıtilip, keıinnen jumysqa ornalastyrylady.

Ol úshin jumyssyzdardy qysqa merzimdi oqytý boıynsha oqý baǵdarlamalary qaıta qaralady (merzimi – 3 aı).

Kásipkerlikti damytý jónindegi Ulttyq jospar aıasynda qosymsha 3 aı merzimge (keıinnen jumysqa ornalastyra otyryp) 20 AEK (61 260 teńge) tólemdi sýbsıdııalap, jumys berýshilerde jumys ornynda oqytý boıynsha jańa tetik iske qosylady.

«Bıylǵy jyldan bastap jastar praktıkasy boıynsha jalaqy 25-ten 30 AEK-ke deıin (91 890 teńge) ulǵaıtyldy. Bul jetkiliksiz ekenin eskere otyryp, ákimniń tapsyrmasy boıynsha jergilikti bıýdjetten qosymsha taǵy 10 AEK-ke tólemdi ulǵaıtamyz, osylaısha jalaqy 122,5 myń teńgeni (40 AEK) quraıdy, oǵan biz 335,3 mln teńge bóldik»,- dedi Maqsat Qıqymov.

Almaty ákiminiń orynbasary sondaı-aq, eger buryn jastar tájirıbesi boıynsha 6 aıǵa jumysqa ornalastyrý qarastyrylǵan bolsa, qazir uıym Erejelerine ózgerister engizilýine baılanysty joldama 1 jylǵa deıingi merzimge júzege asyrylatynyn habarlady.

Bıylǵy jyldan bastap jumys isteıtin múgedek adamdarǵa áleýmettik jumys oryndaryn sýbsıdııalaý mólsheri 63 myńnan 92 myń teńgege deıin ulǵaıtylady (9 AEK-ke nemese 28 myń teńgege, 405 mln teńge bólindi).

Múgedektigi bar adamdar úshin áleýmettik jumys oryndaryn uıymdastyrý Erejeleri boıynsha sýbsıdııa tólemi jumys berýshi belgilegen jalaqynyń 50% mólsherinde kózdeledi. Múgedek adamdardy tartatyn bızneske jáne úkimettik emes sektorǵa júktemeni azaıtý úshin ákimniń tapsyrmasy boıynsha jergilikti bıýdjetten jalaqynyń 80%-y nemese 92 myń teńge (91 890 teńge) sýbsıdııalanatyn bolady.


Joǵary qaraı