Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bıylǵy jylytý maýsymynda 549 márte órt shyqty

2021 jyldyń 22 qazan 2021 17:03

ALMATY. QazAqparat - Almatyda jylytý maýsymynda qutqarýshylar 148 myńnan astam jeke úıdi esepke aldy. Bul týraly óńirlik kommýnıkatsııalar qyzmetiniń brıfınginde Almaty qalasy tótenshe jaǵdaılar departamenti basshysynyń orynbasary Samat Asaınov aıtty, dep habarlaıdy QazAqparat tilshisi.

Onyń aıtýynsha, 2021-2022 jyldardaǵy jylý berý kezeńine daıyndyq aıasynda Almatynyń 148 346 jeke turǵyn úıi esepke alyndy.

Onyń ishinde 3 148 qatty otynmen jylytylatyn jáne 30 395 qańqaly-qamys úıler.

«Jyl saıyn jylytý maýsymy bastalǵanǵa deıin biz jeke sektor turǵyndary arasynda keń aýqymdy jumys júrgizemiz. Aqaýly elektr jylytý aspaptary men peshpen jylytýdy paıdalanýdyń saldary týraly eskertemiz. Biz jeke úılerdi aralap shyǵamyz. Halyqtyń áleýmettik osal toptaryna erekshe nazar aýdaramyz. Bıyl 1 326 áleýmettik-osal otbasy jáne 1 876 adam asotsıaldy ómir saltyn júrgizetin azamattar bar», - dedi S. Asaınov.

Jylytý maýsymynda ár otbasymen qaýipsizdik týraly profılaktıkalyq áńgimeler júrgizildi.

Tekserý qorytyndysy boıynsha 354 úıdiń jaǵdaıy - qanaǵattanarlyqsyz.

Olar týraly málimet ataýly áleýmettik kómek kórsetý úshin aýdandyq ákimdikter men áleýmettik ál-aýqat basqarmasyna berildi.

Sonymen qatar, Almaty qalasy TJD bastyǵynyń orynbasary qalada «Kómek qol» aktsııasy ótkenin, onyń aıasynda halyqtyń áleýmettik osal toptaryna ataýly órt-profılaktıkalyq kómek kórsetilgenin jetkizdi.

ıAǵnı, peshterdiń tútin murjalaryn tazalaý, jaryqtardy biteý, tútin kanaldary ótetin jerlerdegi qabyrǵalardy aqtaý, sondaı-aq, 28 ýly gaz datchıgi ornatylǵan.

Barlyǵy 1 288 jeke turǵyn úı qatty otynmen jabdyqtalǵan.

Qazir ákimdikterdiń ókilderimen birlesip, jeke sektordy aralaý turaqty túrde júrgiziledi.

Bıyl 147 myńnan astam turǵyn úılerdi aralaý júrgizildi.

Órt qaýipsizdigi sharalary, sondaı-aq, turmystyq gazdy paıdalaný kezindegi qaýipsizdik sharalary týraly jadynamalar tabys etildi.

«Aýlalardy aralaý barysynda 1000-nan astam órt qaýipsizdigi erejelerin buzý anyqtaldy. Ielerine anyqtalǵan buzýshylyqtardy joıý boıynsha usynymdar berildi. Mundaı jaǵdaılardyń aldyn alý úshin biz úı ıelerinen pesh jabdyqtaryna baıypty qaraýdy suraımyz, maman peshtiń jaǵdaıyn tekserýi kerek. Tek ol ǵana onyń jaǵdaıyn durys baǵalaı alady», - dedi S. Asaınov.

Aıtý kerek, bıyl Almatyda jylytý maýsymynda turǵyn úı sektorynda 549 órt tirkeldi, bul - barlyq órttiń 60 paıyzy.

Materıaldyq shyǵyn 16 mln teńgeni qurady. 5 adam qaza tapty, 14 adam jaraqat aldy, eki adam ýlanyp qaza tapty jáne 15 azamat kómirtegi gazynan ýlandy.

«Barlyq órttiń sebebi - órt qaýipsizdigi tártibin elemeý jáne azamattardyń áleýmettik jaýapkershiliginiń tómendigi, sondaı-aq, turǵyn úı qorynyń qatty tozýy. Paıdalaný merzimi 50 jyldan asatyn úılerdegi peshtiń sany shamamen 25% quraıdy», - dedi S. Asaınov.

TJD basshysynyń orynbasary Almatyda peshpen jylytylatyn úıler sany azaıyp kele jatqanyn, sonymen qatar, tabıǵı gazdan ýlaný arqyly ólim qaýpi artyp kele jatqanyn aıtty.

Bıyl 31 adam tabıǵı gazdan ýlandy, onyń 16-sy - bala.


Joǵary qaraı