Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bos jatqan jerler qalaı paıdalanylmaq

2020 jyldyń 28 qazan 2020 11:09

ALMATY. QazAqparat - Almaty ákimi Baqytjan Saǵyntaev Alataý aýdanyna jumys sapary kezinde qoǵamdyq keńistikterdiń abattandyrylý barysymen jáne ınfraqurylymdyq máselelerdiń sheshilýimen tanysty, dep habarlaıdy QazAqparat tilshisi.

Baqytjan Saǵyntaev ıesiz bos jatqan jerlerdiń ornynda paıda bolǵan birqatar qoǵamdyq keńistikterde boldy. Jumyspen qamtýdyń jol kartasy aıasynda «Aqbulaq», «Shapaǵat», «Qarasý» yqshamaýdandarynda skverler salynyp, jóndelgen bolatyn. Sonymen qatar, Móńke bı kóshesindegi vorkaýt alań iske qosyldy.

«Sporttyq jáne balalar aımaǵy búldirshinge toly bolsa, alleıada aqsaqaldar serýendep júr. Turǵyn úılerdiń mańaıy qańyrap bos turdy degenge sený qıyn. Mundaǵy turǵyndarmen áńgimelesip, jańa qoǵamdyq keńistikterdi kútip ustaýǵa shaqyrdym», - dep jazdy B. Saǵyntaev Instagram paraqshasynda.

Sondaı-aq, qala ákimi 78 gektar jerge áleýmettik belsendiler men eko-belsendilerdiń kúshimen jyl basynda salynǵan qaraǵaıly ormandy abattandyrý barysymen tanysty.

Jalpy, Alataý aýdanynda jasyl jelekterdiń aýmaǵy eki esege jýyq kóbeıedi, jasyl jelekter sany 355 myńǵa jetedi, onyń 176 myńy bıyl Jasyl Almaty baǵdarlamasy aıasynda otyrǵyzylady.

Sonymen qatar, B. Saǵyntaev jol salý jáne jóndeý ýchaskelerin qarap shyqty. Sonymen qatar «Uljan» jáne «Ójet» yqshamaýdandarynda ınjenerlik jeliler men syrtqy jaryqtandyrý júıesin salý jumystarynyń barysymen tanysty.

«Baqytty otbasy» aýdandyq kópbalaly analardy áleýmettik qoldaý ortalyǵynda ákimge jyl ishinde júrgizilgen ózgeristerdiń nátıjeleri tanystyryldy. Onyń nátıjesi kóp balaly analardyń belsendi ómirge aralasýy boldy. Jyl basynan beri 25 myń áıel «Isker ana» baǵdarlamasy boıynsha negizgi trenıngter men kýrstardan ótti. 537 áıel «Bıznes Bastaý» baǵdarlamasy boıynsha oqydy, onyń 300-i grant alyp, ár túrli baǵytta óz kásibin ashty.


Avtor Gúlmıra Ǵosmanálı
Basty sózder: Almaty, Qurylys,
Joǵary qaraı