Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda COVID-19 juqtyrǵandardyń 60% emdelip shyqty

2020 jyldyń 28 shilde 2020 09:18

NUR-SULTAN. QazAqparat – Almaty qalasynyń ákimi Baqytjan Saǵyntaev Úkimette karantın sharalarynyń nátıjesin baıandady, dep habarlaıdy QazAqparat tilshisi.

«5 shildede kúsheıtilgen sharalar engizý durys sheshim boldy. Almatydaǵy epıdemıologııalyq jaǵdaı keshendi túrde turaqtandy. Megapolıstegi koronavırýs juqtyrý ósimi 2,2%-ǵa deıin tómendedi», - dedi Almaty ákimi Úkimet otyrysynda.

Qazir qalada 10 955 COVID-19 juqtyrý jaǵdaıy tirkelgen. Onyń ishinde 6 341 adam nemese 60% emdelip shyqqan. 28 adamnyń hali aýyr, ókinishke qaraı, 73 adam (0,68%) koronavırýstan qaıtys bolǵan.

«Pnevmonııa jáne COVID-19 kúdigimen jedel járdem shaqyrýlar sany 4 ese azaıdy. Statsıonarlarǵa jatqyzylatyn adamdar sany 2 eseden astam kórsetkishke tómendedi. Emhanaǵa júginýshiler sany da 2 ese azaıdy», - dedi Baqytjan Saǵyntaev.


Joǵary qaraı