Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda daryndy oqýshylarǵa arnalǵan «Qabilet» qyzmeti iske qosyldy

2021 jyldyń 20 qazan 2021 13:59

ALMATY. QazAqparat - Elbasy akademııasy Almatyda jańa jobasy iske qosyldy. Bul týraly Almaty óńirlik kommýnıkatsııalar qyzmetiniń brıfınginde Almaty Daryny ortalyǵy dırektorynyń orynbasary Gúlnur Kárimǵajy málim etti, dep abarlaıdy QazAqparat tilshisi.

Spıker atap ótkendeı, Qabilet daryndy balalar men daryndy jastardy olardyń zııatkerlik jáne jeke áleýetin iske asyrý úshin súıemeldeýdi jáne qoldaýdy kózdeıdi.

«Jobany Nursultan Nazarbaev qory, «Elbasy akademııasy» korporatıvtik qory QR Bilim jáne ǵylym mınıstrliginiń qoldaýymen júzege asyrýda. Balanyń boıyndaǵy erekshe qabiletti erte anyqtaıtyn arnaıy halyqaralyq zertteýler bar. Ata-ananyń mindeti sony ári qaraı damytý. «Elbasy akademııasy» osy baǵytta jumys isteıdi. Halyqaralyq tájirıbe men túrli ádisteme tolyq zertteldi», - dedi Gúlnur Kárimǵajy.




Ázirleýshiler Qabilet jobasy tolyǵymen qazaqstandyq oqýshylarǵa baǵyttalǵanyn jáne avtorlyq baǵdarlamalar boıynsha iske asyryla bastaǵanyn aıtady.

«Barlyq jerde suranysqa ıe tórt álemdik daǵdy bar jáne olar boıynsha shetelde «tórt K» dep atalatyn balalar damıdy. Bul synı oılaý, shyǵarmashylyq, qarym-qatynas jáne yntymaqtastyq. Osy «tórt K» boıynsha 10-11 jas aralyǵyndaǵy oqýshylar dıagnostıkadan ótedi», - dep atap ótti spıker.

Daryn ortalyǵynyń bazasynda jáne Elbasy akademııasynyń Qabilet onlaın-platformasynda dıagnostıka men qabiletterdi anyqtaý tegin júrgiziledi qabilet.elbasyacademy.kz.

Testileý qorytyndysy boıynsha qatysýshynyń qabileti taldanyp, sondaı-aq áleýetti damytý boıynsha konsýltatsııalyq qoldaý men usynymdar alady.

Sol Qabilet platformasynda ata-analarǵa arnalǵan jeke kabınet bar, olar balanyń qandaı synaqtardan ótkenin, onyń qandaı qabiletteri damyǵanyn jáne ony qaı baǵytta damytý kerektigin kóre alady.

Testileýden ótkennen keıin siz óz qalaýyńyz boıynsha mamannyń kásibı Keńesine jazyla alasyz, ol testileý nátıjelerin durys taldaýǵa kómektesedi, qabiletterin odan ári damytý boıynsha usynystar beredi.

Búginde Almaty Daryny ortalyǵynyń 10 qyzmetkeri Almatydaǵy Nursultan Nazarbaev Qory bazasynda oqýdan ótti.











Avtor Alma Muqanova
Basty sózder: Almaty, Bilim,
Joǵary qaraı