Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda eki adam esirtkimen ustaldy

2021 jyldyń 20 qazan 2021 11:53

ALMATY. QazAqparat – Almatyda eki er adamnan esirtki tárkilendi, dep habarlaıdy QazAqparat tilshisi.

Almaty qalalyq polıtsııa departamentiniń málimetine sáıkes, M.Áýezov aýdanynyń aýmaǵynda patrýldik polıtsııa qyzmetkerleri 32 jastaǵy Almaty turǵynynan psıhotroptyq zattar salynǵan segiz oramany tárkiledi. Ustalǵan adam býmalardy taýyp alǵanyn jáne olardy ózine qaldyrmaq bolǵanyn aıtyp aqtalǵan.

Sonymen qatar, polıtsııa qyzmetkerleri 1995 jyly týǵan taǵy bir jergilikti turǵyndy 31 býma sıntetıkalyq esirtki – «Mefedronmen» ustady. Onyń aıtýynsha, sıntetıkalyq esirtkini ózi qoldanady.

«Tekserý kezinde sıntetıkalyq esirtki tárkilendi. Qylmystyq ister QR QK-niń 296-baby 4-bóligi (Psıhotroptyq zattardy asa iri kólemde satý maqsatynsyz zańsyz alý, saqtaý) boıynsha tirkeldi, al, bul úsh jyldan jeti jylǵa deıin bas bostandyǵynan aıyrý jazasyn kózdeıdi», – dep túsindirdi M.Áýezov aýdandyq polıtsııa basqarmasynyń bastyǵy Ulan Ábilqaıyr. Kúdiktilerge qatysty ustaý túrindegi bultartpaý sharasy qoldanyldy. Olar Almaty qalalyq Polıtsııa departamentiniń ýaqytsha ustaý ızolıatoryna qamaldy.


Joǵary qaraı