Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda elektrokarlardy tirkeý servısi ashyldy

2020 jyldyń 28 qazan 2020 12:16

ALMATY. QazAqparat – Almatyda Jasyl ekonomıka basqarmasy «Medeý» men «Shymbulaq» taý shańǵysy kýrortyna kedergisiz jetý úshin toqpen júretin kólikterdi tirkeý boıynsha elektrondy onlaın servısti ashty, dep habarlaıdy QazAqparat tilshisi.

Buǵan deıin elektrokarlardyń ıeleri buryn Medeý parkiniń ofısine baryp ótinish jazýy kerek bolǵan.

«Jańa servıste jaı ǵana formany toltyrsa bolady. Keshke deıin kólik elektrondy málimetter bazasynda turady. «Medeý» muz aıdynyndaǵy shlagbaýym avtomatty túrde kólikterdi ótkizetin bolady. Onlaın ótinimdi www.almatyeco.gov.kz saıtynda qaldyrýǵa bolady», - dedi Jasyl ekonomıka jáne qoǵamdyq úgit nasıhat qyzmetiniń basshysy A. Raıymbaev.

Aıta ketý kerek, 2016 jyldan bastap Shymbulaq taý shańǵysy kýrorty aımaǵyna kólikterdiń kirýine tyıym salynǵan bolatyn.

Al elektr togymen júretin kólikterge taý bókterine kirýine ruqsat berilgen.

Ol úshin taý shańǵysy kýrortynda qajetti ınfraqurylym qalyptastyrylǵan. Medeý muz aıdyny terrıtorııasynda - 4 zarıadtaý stansasy, al «Shymbulaq» taý shańǵysy kýrortynda 3 zarıadtaý stansasy bar.


Joǵary qaraı