Aýa raıy
Astana 30 °S
Almaty 34 °S
valıýta baǵamy
USD 386.70
EUR 427.15
RUB 6.06
CNY 54.57

Almatyda «Elektrondyq balabaqsha» júıesi engiziledi

2019 jyldyń 19 tamyz 2019 10:45

Almaty. QazAqparat - Almaty qalalyq bilim basqarmasynyń basshysy Gúlnár Qojabergenova «Elektrondyq balabaqsha» júıesin engizý týraly atqarylyp jatqan jumystar týraly aıtty, dep habarlaıdy QazAqparat.

«Jańa oqý jylynda «Elektrondy balabaqsha» júıesin engizý josparlanýda. Ol bilim berý mekemesindegi as máziri, sabaqqa qatysý, balalardyń damý deńgeıin baqylaý jáne mektepke deıingi uıymdardyń jumysyndaǵy ashyqtyq sııaqty jumystardy onlaın rejıminde baqylaýǵa múmkindik beredi», - dedi Almaty qalalyq bilim basqarmasynyń bastyǵy Gúlnár Qojabergenova bilim berý qyzmetkerlerine arnalǵan forýmda.


Ol mektepke deıingi mekemelerdegi sheshilmegen problemalar jergilikti atqarýshy organnyń jeke sektorda monıtorıng júrgizý múmkindiginiń joqtyǵymen baılanysty ekenin atap ótti.


«Bilim basqarmasy 2018–2019 oqý jylynda memlekettik tapsyrysy bar jekemenshik balabaqshalardyń qyzmetine monıtorıng jáne taldaý júrgizdi. Nátıjesinde memlekettik standartty oryndaý, balalardy qabyldaý jáne kelisimshart mindettemelerin oryndaý, sondaı-aq sanıtarlyq jaǵdaı men qamtamasyz etý sapasyna qatysty birqatar zańbuzýshylyqtar anyqtaldy. Bul máseleni sheshý úshin monıtorıngtik topqa úkimettik emes uıymdar men qoǵamdyq keńesterdiń ókilderin qosý arqyly jekemenshik mektepke deıingi mekemelerdiń qyzmetine qoǵamdyq baqylaýdy engizý múmkindigin qarastyrý qajet dep sanaımyn », - dedi Gúlnár Qojabergenova.


Onyń derekterinshe, b ıyl jeke balabaqshalarǵa 5 mıllıardtan astam teńgege memlekettik tapsyrys berildi.


Forýmǵa Almaty qalasynyń ákimi Baqytjan Saǵyntaev, Bilim jáne ǵylym mınıstri Ashat Aımaǵambetov, Almaty qalasynyń Bilim departamentiniń ókilderi qatysýda.


Forýmda 2018-2019 oqý jylynyń qorytyndysy shyǵarylyp, 2019-2020 oqý jylyna arnalǵan strategııalyq mindetter aıqyndalady.


Joǵary qaraı