Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda er adamnyń asqazanynan 25 santımetr armatýra alyndy

2020 jyldyń 28 qyrkúıek 2020 20:51

ALMATY. QazAqparat - Almatyda er adamnyń asqazanynda 2,5 jyldaı armatýra bolǵan, dep habarlaıdy QazAqparat tilshisi.

Ol aýrýhanaǵa taıaýda ǵana júgingen. Jedel járdem dárigerleri úshin denedegi bóten zatty shyǵarý kúrdeli operatsııa emes. 54 mınýt ishinde operatsııalyq brıgada otany sátti jasap shyqty.

«Búgin patsıent aýrýhanaǵa epıgastrıı aımaǵyndaǵy ótkir aýyrsyný shaǵymymen keldi. Patsıenttiń aıtýynsha, eki jyl buryn ol tergeý ızolıatorynda bolǵan, sol jerde armatýrany jutyp qoıǵan. Rentgenologııalyq dıagnostıka nátıjesinde patsıenttiń sózi rastalyp, er adamǵa dereý laparotomııa, gastrotomııa, denedegi bógde zatty alyp tastaý operatsııasy jasalyndy. Operatsııa sátti ótip, naýqas palataǵa aýystyryldy», - dedi №4 qalalyq klınıkalyq aýrýhananyń qabyldaý bólimshesiniń hırýrgi Temirhan Qojahmetov.







Dárigerler 2 jyldan astam ýaqyt boıy asqazandaǵy temir adamǵa qolaısyzdyq týdyrmaǵanyna tańǵalyp otyr.

Sebebi temir asqazannyń qabyrǵasyna zaqym keltirmegen. Perforatsııa jáne qysym jaralary mundaı jaǵdaıda jıi kezdesedi. Perforatsııa - bul bóten deneniń asqazan - on eki eli ishektiń quramyna enip, bos ish qýysyna enýin aıtady.

Operatsııany hırýrg Temirhan Qojahmetov pen assıstent Baǵlan Muqashev jasady. Anestezıologtar Damır Kısebaev jáne Svetlana Ýstavıtskaıa, operatsııalyq meıirbıke Oksana ıAzovskaıa, sanıtar Mádına Kamalova qolǵasbys jasady.


Avtor Gúlmıra Ǵosmanálı
Basty sózder: Almaty, Medıtsına,
Joǵary qaraı