Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda eriktiler kún saıyn kúsh qurylymdaryna ystyq tamaq taratady

2022 jyldyń 17 qańtar 2022 13:15

ALMATY. QazAqparat - Almaty qalasynyń ál-aýqat basqarmasynyń basshysy Nazıra Toǵyzbaeva qalada iske asyp jatqan qaıyrymdylyq sharalary týraly aıtty, dep habarlaıdy QazAqparat tilshisi.

Ol týraly basqarma basshysy Almaty ákimdiginiń apparattyq keńesinde málimdedi.

Eń aldymen ol Almatyda az qamtylǵan otbasylardy, kúsh qurylymdary jáne úkimettik emes uıymdardy qoldaý sharalaryn aıtty.

«Almatyda 9 qańtardan bastap «Jaqsylyq bastaýy» qaıyrymdylyq qorymen birlesken túrde quqyq qorǵaý organdary men Ulttyq ulannyń 1455 qyzmetkerin ystyq tamaqpen qamtamasyz etý boıynsha qaıyrymdylyq aktsııasy ótip jatyr. Al «April Group» JShS-men birge az qamtylǵan 200 otbasyna azyq-túlik jıyntyǵy úlestirildi», - dedi qalalyq ál-aýqat basqarmasynyń basshysy.

Sondaı-aq, onyń aıtýynsha máslıhat depýtattary men janashyr azamattardyń qarjylaı qoldaýymen qaıyrymdylyq sharalary jalǵasyp jatyr.

«572 áleýmettik osal otbasy men Qazaq zaǵıptar qoǵamy, «Ana úıi» qoǵamdyq qory, «Revansh» qoǵamdyq qory,«Januıa» daǵdarys ortalyǵy, «Tın chellendj» ortalyǵy sekildi úkimettik emes uıymdarǵa 8 tonnaǵa jýyq azyq-túlik satyp alyndy», - dep málimdedi ol.


Joǵary qaraı