Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda eriktiler jappaı tártipsizdik kezinde iz-túzsiz joǵalyp ketken 48 adamdy tapty

2022 jyldyń 15 qańtar 2022 14:26

ALMATY. QazAqparat - Almatyda eriktiler jappaı tártipsizdik kezinde iz-túzsiz joǵalyp ketken 48 adamdy tapty. Bul týraly QazAqparat tilshisine Lider.kz volonterler qozǵalysynyń jetekshisi Dılmıra Blats aıtty.

«Biz iz-túzsiz joǵalyp ketkender týraly 106 ótinsh qabyldadyq. Onyń 48-i tabyldy. Qazir biz adamdardy izdestirý jumystaryn belsendi túrde júrgizip jatqan joqpyz. Tek egde jastaǵylar men balalardy tabýǵa kómektesip jatyrmyz. Eriktiler birinshi kezekte aýrýhana, polıtsııa, máıithanaǵa habarlasyp, joǵalǵan adam týraly aqparatty naqtylaıdy. Ol jaqtan tabylmaǵan jaǵdaıda ǵana aty-jóni, fotosy kórsetilgen paraqshalardy kóshelerge iledi. Aıta ketetin jáıt, joǵalǵan adamdardyń basym bóligi qamaýda»,-deıdi Dılmıra Blats.

Sonymen qatar, ol birinshi qańtar kúni joǵalyp ketken 13 jastaǵy jasósipirimdi tapqandaryn aıtty.

«Osydan eki kún buryn bizdiń qyz-jigitter birinshi qańtar kúni joǵalyp ketken 13 jastaǵy balany tapty. Jasósipirim aman-esen. Ol osy ýaqytqa deıin áýejaı aımaǵynda qańǵybastyqqa salynyp júrgen»,- deıdi ol.

Sondaı – aq búgin Lider.kz volonterleri qan tapsyryp, órtenip ketken ákimdik ǵımaratyn tazalaýǵa atsalysýda.

Búǵan deıin 150 almatylyq volonterler órtengen ákimdik ǵımaratyn tazalaýǵa kómektesip jatqany týraly jazǵan bolatynbyz.










































Joǵary qaraı