Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «ETU Robocon – 2021» robototehnıkadan jarys ótip jatyr

2021 jyldyń 2 jeltoqsan 2021 12:37

ALMATY. QazAqparat - Almatyda «ETU Robocon – 2021» stýdentter arasynda robototehnıkadan ekinshi respýblıkalyq chempıonat ótip jatyr, dep habarlaıdy QazAqparat tilshisi.

Shara Qazaqstan Respýblıkasynyń Tuńǵysh Prezıdenti kúnine, Táýelsizdiktiń 30 jyldyǵyna arnalǵan jáne «Tsıfrlyq Qazaqstan» men «Rýhanı jańǵyrý» baǵdarlamalaryn damytý aıasynda júzege asyrylyp jatyr.

Jobanyń maqsaty – daryndy, talantty jas qazaqstandyqtarǵa jańa tehnologııalar men robototehnıka salasynda startaptar qurý, ınnovatsııalyq sheshimderdi ázirleý, baǵdarlamalaý, ınjınırıng jáne bilim men baǵdar berý.




Nursultan Nazarbaev Qorynyń Almatydaǵy ókildiginiń basshysy Sergeı Toqtarov, bul chempıonat qazaqstandyq stýdentterdiń ózin-ózi kórsete alatyn, robototehnıkada myqty maman ekenin dáleldeıtin tálimgerlerden bedeldi qoldaý kóretin aýqymdy alań ekenin atap ótti.

«Qazaqstandyq jastar mádenıette, ónerde, ǵylymda, zertteýlerde, ınnovatsııada qabiletteriniń joǵary ekenin kórsetip júr. Nursultan Nazarbaev Qory daryndy jas qazaqstandyqtardy anyqtaý jáne qoldaý maqsatynda osyndaı jobalardy belsendi túrde qoldaıdy», - deıdi Sergeı Toqtarov.




Chempıonatqa qatysýshylardy QR Bilim jáne ǵylym vıtse-mınıstri Qýanysh Erǵalıev quttyqtap, «ETU Robocon 2021» baıqaýy jastar arasynda robototehnıkaǵa qyzyǵýshylyqty qoldaýǵa jáne damytýǵa baǵyttalǵanyn atap ótti.




Óz kezeginde Almaty qalasy ákiminiń orynbasary Erjan Babaqumarov robototehnıka - tehnologııalyq serpilistiń negizgi baǵyttarynyń biri ekenin aıtty. Bul chempıonatty álemdik tehnologııa naryǵyndaǵy bolashaq básekelestikke daıyndyq retinde qarastyrýǵa bolady.




«Almaty – jastar, stýdentter qalasy. Іskerlik ortalyq. Almaty jas talanttar men batyl bastamalarǵa árdaıym ashyq. Árqaısyńyzǵa chempıonatta jáne ómirde sáttilik tileımin. «Robocon 2021» sizge kásibı ósýge yqpal etetinine senimdimin. «ETU Robocon 2021» chempıonatyn bolashaqta álemdik tehnologııa naryǵyndaǵy básekelestikke daıyndyq dep sanaýǵa bolady», - dedi qala ákiminiń orynbasary.




«ETU Robocon – 2021» chempıonaty – Arduino platformasyna negizdelgen robototehnıka boıynsha stýdenttik komandalar arasyndaǵy jarys. Bul jas ǵalymdarǵa robottardy ázirleýdi nólden bastaýǵa múmkindik beredi. Qurastyrý men mehanıkadan, sodan keıin elektronıkadan jáne robottyń ıntellekt baǵdarlamasyn jazýǵa deıin múmkindik bar. Osylaısha, chempıonattyń árbir qatysýshysy IT, elektronıka jáne robototehnıka salasyndaǵy ǵylymmen aınalysatyn kez kelgen ǵylymı ınstıtýtta kishi laborant laýazymyna laıyqty daıyn jas maman bop shyǵady.




Bıyl chempıonatqa Nur-Sultan, Almaty, Qyzylorda, Pavlodar, Óskemen jáne Almaty oblystarynan 13 komanda qatysýda.

Baıqaý jeńimpazdary 3D prınter, kvadrokopter, noýtbýk jáne taǵy basqa baǵaly syılyqtarmen marapattalady.

Shara «Almaty Arena» muz kesheninde ótip jatyr.


























Joǵary qaraı