Aýa raıy
Astana 30 °S
Almaty 36 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda farmatsevtıkalyq óndiris klasteri ashylady

2020 jyldyń 13 shilde 2020 14:56

ALMATY. QazAqparat – Almatyda farmatsevtıkalyq óndiris pen jeke qorǵanys quraldary óndirisi boıynsha birneshe joba qolǵa alynbaq. Bul týraly Almaty ákiminiń orynbasary Saparbek Tuıaqbaev onlaın brıfıng kezinde aıtty, dep habarlaıdy QazAqparat tilshisi.

«Óndiriske keler bolsaq, farmatsevtıkalyq óndiris pen jeke qorǵanys quraldary óndirisi boıynsha birneshe jobany qarastyryp jatyrmyz. Farmatsevtıkalyq óndiris birden quryla qoımaıtyny belgili. Biraq, bul máseleni júıeli túrde sheshýge bolatynyn túsindik. Alataý arnaıy ekonomıkalyq aımaǵynda medıtsınalyq buıymdar shyǵaratyn klaster jasaý týraly sheshim qabyldandy. 2044 jylǵa deıin jeńildik qarastyrylmaq. Infraqurylym daıyn. Qazir 4 joba qarastyrylyp jatyr. 2 joba bastalǵaly tur. Atap aıtqanda, mataǵa jatpaıtyn materıal óndirisi. Bul barlyq jeke qorǵanys quraldary maska, obaǵa qarsy kostıýmder óndirisi. Eger biz osy óndiristi jolǵa qoısaq, ımportqa táýeldi bolmaımyz. Jobany jyl sońyna deıin aıaqtaý josparlanǵan», - dedi S.Tuıaqbaev.


Joǵary qaraı