Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda grantqa túsý úshin ótkiziletin UBT erteń bastalady

2021 jyldyń 5 mamyr 2021 12:19

ALMATY. QazAqparat – Almatyda erteń UBT tapsyrý bastalady. Bul týraly onlaın brıfıng barysynda qalalyq bilim basqarmasy jalpy orta bilim berý bóliminiń basshysy Aqmaral Aıtýarova málim etti, dep habarlaıdy QazAqparat itlshisi.

Onyń aıtýynsha, 6 mamyr kúni bıylǵy jáne ótken jyldardaǵy qala mektepteri túlekteri arasynda Ulttyq biryńǵaı testileý bastalady.

«Eldegi epıdemıologııalyq jaǵdaıǵa baılanysty, balalardyń densaýlyǵy men qaýipsizdigin saqtaý maqsatynda halyq kóp jınalatyn oryndarǵa barý qajettiligin boldyrmaý úshin UBT qatysý úshin túlekterdiń ótinishin qabyldaý ulttyq testileý ortalyǵynyń saıtynda onlaın tirkeý arqyly júzege asady. Oǵan qosa bul bitirýshi respýblıka boıynsha UBT tapsyratyn oryndy óz betinshe tańdaýǵa múmkindik beredi», - deıdi ol.

Sonymen qatar ol UBT tapsyrýdaǵy bıylǵy erekshelikterdi atap ótti.

«Ótken jyldardaǵydaı emes, bıyl UBT ótetin oryn bireý ǵana. Ol ál-Farabı atyndaǵy QazUÝ-diń bazasynda ótedi. Test ótkizý formaty tek elektrondy túrde, bir testilenýshi, bir kompıýter, bir kamera prıntsıpi boıynsha ótedi. Bir kúnde 2 lek qatysady, túske deıin jáne tústen keıin. Otyratyn oryndardyń eń kóp sany 300 «, - dedi Aqmaral Aıtýarova.

Bıyl UBT alǵash ret naýryzdan maýsymǵa deıin ótkizilip otyr. 10 naýryz ben 26 sáýir aralyǵynda JOO-ǵa aqyly negizde qabyldaý úshin erki boıynsha ótkizilgen, 6 mamyrdan 30 maýsymǵa deıin bilim berý grantyn taǵaıyndaý úshin UBT ótedi.

«Bıyl alǵash ret túlekterge UBT-ny eki ret tapsyrý jáne UBT-nyń eń úzdik nátıjesimen bilim berý granttaryn taǵaıyndaý konkýrsyna qatysý quqyǵy beriledi», - dedi ol.

UBT-nyń jalpy uzaqtyǵy appelıatsııany esepke alǵanda 4 saǵat 30 mınýt (270 mınýt). Testileý ýaqyty - 240 mınýt. 60 mınýttyq testileýden keıin kózge arnalǵan jattyǵýlar úshin úzilis jáne dene shynyqtyrý úshin 2 mınýt beriledi. 120 mınýt testileý aıaqtalǵannan keıin 15 mınýt úzilis beriledi; 180 mınýt testileýden keıin kózge arnalǵan jattyǵýlar men dene shynyqtyrý jattyǵýlary úshin 3 mınýt kóleminde úzilis beriledi.


Avtor Alma Muqanova
Basty sózder: Bilim, Almaty, UBT,
Joǵary qaraı