Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda halyq sanaǵyna elden suhbat alatyn 2 416 qyzmetker tartyldy

2021 jyldyń 15 qyrkúıek 2021 13:48

ALMATY. QazAqparat – Almatyda halyq sanaǵyna 2 416 ıntervıýer tartyldy. Bul týraly onlaın brıfıng barysynda ulttyq statıstıka bıýrosy Almaty qalasy boıynsha departamentiniń basshysy Aıdar Ábildabekov málim etti, dep habarlaıdy QazAqparat tilshisi.

Spıkerdiń aıtýynsha, Almatyda sanaqtyń negizgi kezeńine 2 416 ıntervıýer, 345 nusqaýshy-kontroller jáne 37 komıssar tartyldy.

Sonymen qatar 146 erikti sanaq pýnkterindegi onlaın sanaqqa jumyldyryldy.

«Biz sanaqqa qatysýǵa jumyssyz azamattardy, zeınetkerler men stýdentterdi tarttyq. Sanaq júrgizýshiler bir aıǵa tartylady. Barlyǵy 104 myń teńge kóleminde jalaqy alady», - dedi ol.

Sanaq bastalǵan 15 kún ishinde 2 886 150 respondent onlaın-sanaqtan ótken.

Sanaq.gov.kz saıtynda 2 487 415 adam suraqqa jaýap berse, 284 659 adam Egov portaly arqyly jaýap beripti, taǵy 114 076 respondent Aitu qosymshasynyń kómegimen sanaqtan ótken.

«Sanaq naýqanynyń qorytyndysy boıynsha shartty túrde Áýezov aýdany birinshi orynda, Alataý aýdany ekinshi orynda jáne Naýryzbaı aýdany úzdik úshtikti jabady. Bostandyq, Túrksib, Almaly aýdandaryndaǵy sanaqqa qatysýshylarynyń sany shamamen teń. Medeý men Jetisý aýdandarynyń turǵyndarynyń belsendiligi sál tómen», - deıdi Aıdar Ábildabekov.

Aıta keteıik, 15 qazanǵa deıin halyq sanaǵyna onlaın rejıminde qatysýǵa bolady.

Oflaın kezeń 1-30 qazan aralyǵynda ótedi.


Joǵary qaraı