Aýa raıy
Astana 8 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda indetten eshbir medıtsına qyzmetkeri qaıtys bolǵan joq – Nadyrov

2020 jyldyń 7 tamyz 2020 17:19

ALMATY. QazAqparat – Almaty qalalyq Qoǵamdyq densaýlyq basqarmasynyń basshysy Kamaljan Nadyrov koronavırýstan qaıtys bolǵan medıtsına mamandarynyń otbasyna beriletin ótemaqy týraly aıtty, dep habarlaıdy QazAqparat tilshisi.

«Biz áriptesterimizdiń erterek ótemaqy alǵanyna múddelimiz. Biraq, qazir Respýblıkalyq elektrondyq densaýlyq ortalyǵynyń jasap jatqan elektrondy portalyn kútip otyrmyz. Bul júıe aıaqtalǵan soń, ár mamannyń epıdemıologııalyq kartasyn engizetin bolamyz. Baǵana aıtqanymdaı, 602 adamnyń kartasy tirkeledi. Onyń 58-i ǵana qazir ótemaqy aldy», - dedi Nadyrov.

Onyń aıtýynsha, osy ýaqytqa deıin dárigerler men medbıkelerden eshkim kóz jumǵan joq.

«Tek 2 jedel járdem júrgizýshisi men Ortalyq klınıkalyq aýrýhananyń lıfteri, áıel adam qaıtys bolǵan. QR DSM buıryǵy boıynsha, aýyrǵandarǵa 2 mln teńge, qaıtys bolǵandarǵa 10 mln teńge qarastyrylǵan. Qaza bolǵan 3 adamnyń otbasyna qarajat beriledi», - dedi basqarma basshysy.

Buǵan deıin Kamaljan Nadyrov 58 maman ótemaqy alǵanyn aıtqan bolatyn.



Joǵary qaraı