Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ınternet sapasyn jaqsartý úshin qandaı jumys júrgizilip jatyr

2020 jyldyń 20 qarasha 2020 16:25

ALMATY. QazAqparat – Almaty qalalyq tsıfrlandyrý basqarmasynyń basshysy Baıan Qońyrbaev onlaın brıfıng barysynda megopolıste ınternet sapasyn jaqsartý maqsatynda qandaı jumystar júrgizilip jatqanyn aıtty, dep habarlaıdy QazAqparat tilshisi.

«Internet sapasyn jaqsartý jumysyn biz bir jyl buryn bastadyq. Qazir Almaty qalasy boıynsha 200-den astam núkte bar, baılanysy nashar núkteler jabyldy. Qala jáne aglomeratsııa perımetri boıynsha jekemenshik sektordaǵy núktelerdi jabýǵa nazar aýdarylyp otyr», – deıdi Baıan Qońyrbaev.

Onyń aıtýynsha, QR Tsıfrlyq damý, ınnovatsııalar jáne aeroǵarysh ónerkásibi mınıstrligi uıaly baılanys operatorlarymen birlesip, antenna-dińgek qurylysyn salý jáne bazalyq stansa ornatý úshin 67 núkte belgilegen.

Bul núkteler uıaly baılanys operatorlary men Almaty qalasy ákimdigiimen kelisildi.

«LC Commerce» JShS kompanııasy jańa 25 núkte boıynsha zertteý júrgizdi jáne «MT-S» JShS-men radıo-josparlaý boıynsha máselelerdi kelisti. «Mobaıl Telekom-Servıs» JShS osy núkteler boıynsha sanıtarlyq pasporttardy alý úshin jumys isteýde. «Kar-Tel» JShS 12 jańa stansany iske qosty, sondaı-aq 3 núkte boıynsha jumys júrgizilýde. Taǵy 9 bazalyq stansa iske qosyldy»,– deıdi spıker.

Búgingi tańda bilim basqarmasymen birlesip ınterneti nashar núkteler pysyqtalýda, sondaı-aq bilim basqarmasy bergen núkteler eki mobıldi operatormen qamtyldy.

Sonymen qatar, ol jeke ınvestorlar «Bılaın» kompanııalarynyń jańa stansasyn iske qosqanyn atap ótti. «Keńsaı» shaǵynaýdanynda jeltoqsan aıynyń ortasyna deıin jańa bazalyq stansa ornatylady.


Joǵary qaraı