Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ıpotekalyq qaryz alǵandarǵa kómek kórsetý máselesi qaraldy

2021 jyldyń 17 sáýir 2021 02:40

ALMATY. QazAqparat- Almaty qalasy ákiminiń orynbasary Maqsat Qıqymov ıpotekalyq turǵyn úı qaryzdaryn/ıpotekalyq qaryzdardy qaıta qarjylandyrý baǵdarlamasyn oryndaý boıynsha QR Qarjy naryǵyn retteý jáne damytý agenttiginiń jáne problemalyq turǵyn úı ıpotekalyq qaryz boıynsha qoǵamdyq birlestik ókilderiniń qatysýymen onlaın kezdesý ótkizdi, dep habarlaıdy QazAqparat tilshisi.

Jıynda qaryz alýshylardyń ekinshi deńgeıli bankterge ótinish berý kezinde kezdesetin máseleler jáne berilgen ótinimderdi qaraý merzimderi talqylandy.

Agenttik úsh baǵyttan turatyn negizgi baǵdarlamanyń júzege asyrylý barysymen tanystyrdy.

2021 jyldyń 1 sáýirindegi jaǵdaı boıynsha Qazaqstanda baǵdarlamanyń birinshi bóligi aıasynda 171 mlrd teńgege 28 myń qaryz qaıta qarjylandyryldy. Qaryz alýshylardyń syıaqy, komıssııa, 154,3 mlrd teńge somasyndaǵy turaqsyzdyq boıynsha bereshegi keshirildi.

Azamattardyń valıýtalyq ıpotekalyq qaryzyn konvertatsııalaý boıynsha baǵdarlamanyń ekinshi bóligi 2020 jyly aıaqtaldy. Jalpy somasy 132,1 mlrd teńgege 13,8 myń valıýtalyq ıpotekalyq qaryz konvertatsııalandy. Qaryz alýshylardyń syıaqy, komıssııa, 109,3 mlrd teńge somasyndaǵy turaqsyzdyq boıynsha bereshegi keshirildi.

Agenttik jumysynyń nátıjesi boıynsha banktermen birlesip baǵdarlamanyń talaptaryna sáıkes keletin halyqtyń valıýtalyq ıpotekalyq qaryzdarynyń 100% jeńildikti baǵam boıynsha teńgege aýystyryldy jáne azamattar bolashaqta valıýtalyq qaýip-qaterden qorǵaldy.

Qazirgi ýaqytta halyqtyń áleýmettik osal toby sanaty boıynsha qaryzdy baǵdarlama sheńberinde buryn qaıta qarjylandyrylǵan ıpotekalyq qaryz alýshylardy, sondaı-aq ıpotekalyq qaryzdar boıynsha mindettemelerdi oryndaý esebinen jalǵyz turǵyn úıi bankterdiń balansyna ótken azamattardy qoldaýǵa baǵyttalǵan baǵdarlamanyń úshinshi bóligi iske asyrylýda.

Bankterge qaryz alýshynyń qarjylyq jáne áleýmettik jaǵdaıyn taldaý negizinde negizgi boryshty azaıtý túrinde borysh júktemesin jeńildetýdiń qosymsha tetikterin jeke tártippen qoldaný, qaryz alýshynyń tabysyn eń tómengi kúnkóris deńgeıinen saqtaı otyryp, 20 myń teńgeden bastalatyn aı saıynǵy tólemmen jeńildik kestelerin belgileý quqyǵy berildi.

Baǵdarlama sheńberinde memlekettik bıýdjetten jáne (nemese) Memlekettik áleýmettik saqtandyrý qorynan tólenetin járdemaqylar men áleýmettik tólemder jáne alımentter de kiris retinde tanylmaıdy.

Banktiń balansynda turǵan jalǵyz turǵyn úıdi qaryz alýshynyń menshigine qaıtarý maqsatynda qarjy ınstıtýttaryna qaryz alýshyny jyldyq mólsheri 3% syıaqy boıynsha qarjylandyrýdy júzege asyrý ne oǵan turǵyn úıdi keıinnen satyp alý múmkindigimen jalǵa berý quqyǵy beriledi.

Búginde 14,0 mlrd teńge somasyna 1,5 myńnan astam qaryz alýshyǵa qosymsha kómek kórsetildi.

Ipotekalyq qaryz alýshylarǵa qosymsha kómek kórsetý merzimi 2021 jyldyń 1 shildesinde aıaqtalady.

Baǵdarlamanyń talaptaryna sáıkes keletin qaryz alýshylar borysh júktemesin azaıtý úshin 2021 jylǵy 1 maýsymǵa deıin nesıe berýshi bankterge júginýi qajet.

Bank qosymsha kómek kórsetýden bas tartqan jaǵdaıda qaryz alýshylar baǵdarlama sheńberinde bankterdiń qaryzdy qaıta qarjylandyrýdan bas tartýyna qaryz alýshylardyń shaǵymdaryn qaraý jónindegi komıssııaǵa júginýge quqyly.


Avtor Alma Muqanova
Basty sózder: Aımaq, Almaty, Turǵyn úı,
Joǵary qaraı