Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ishki naryqta qaýipsizdikti qamtamasyz etý boıynsha júıeli jumystar júrgizilýde

2021 jyldyń 20 qańtar 2021 13:45

ALMATY. QazAqparat - Almaty qalasy Tehnıkalyq retteý jáne metrologııa komıtetiniń departament basshysy Saýyqbek Qapaev onlaın brıfıng barysynda memlekettik baqylaý nátıjeleri men 2020 jylǵy jumys qorytyndylary týraly aıtyp berdi, dep habarlaıdy QazAqparat tilshisi.

Onyń aıtýysha, birinshi kezekte qajetti ulttyq standarttardy, tehnıkalyq reglamentterdi ázirleý, memlekettik baqylaý, ónim qaýipsizdigi, ishki naryqty nashar jáne sapasyz ónimderden qorǵaý máselelerine, sondaı-aq synamalardyń sáıkestigin baǵalaý jáne ónimder men kórsetiletin qyzmetterdiń sáıkestigin rastaý salasyna kóp kóńil bólinedi.

«Negizgi maqsat - ónimniń qaýipsizdigi, onyń sapasynyń sáıkestigi, normatıvtik qujattardyń talaptary turǵysynan qala halqynyń tutynýshylarynyń múddelerin qorǵaý jáne synaq zerthanalarynyń jáne basqa da sýbektilerdiń sáıkestigin rastaýshy organdardyń qyzmetin baqylaý. Basty mindet-óndiriletin jáne aınalymdaǵy tutynylatyn ónimniń qaýipsizdik sapasyn anyqtaý», - dep túsindirdi Saýyqbek Qapaev.

2020 jyldyń qorytyndysy boıynsha barlyǵy 83 tekserý júrgizilgen, ótinishter men shaǵymdar boıynsha jospardan tys – 37 tekseris, nysandy baryp qadaǵalaý jáne profılaktıkalyq baqylaý qorytyndylary boıynsha berilgen nusqamalardy oryndaý arqyly- 18 tekseris júrgizilgen. 50 jaǵdaıda Qazaqstan Respýblıkasynyń Tehnıkalyq retteý, akkredıtteý jáne ólshem birligin qamtamasyz etý salasyndaǵy zańnamasyn buzý faktileri anyqtaldy, bul tekserýlerdiń jalpy sanynyń 60% - yn qurady.

Memlekettik baqylaý qorytyndysy boıynsha tártip buzýshylarǵa jalpy somasy 18 567 642 teńgege ákimshilik aıyppul salyndy.

Ónimniń sáıkestigin rastaý rásimi saqtalmaǵan, atap aıtqanda ónimdi sáıkestendirý, ónim úlgilerin irikteý jáne olardy synaý, ónimdi tańbalaýǵa qoıylatyn talaptar jáne sáıkestik sertıfıkattaryn rásimdeý kezindegi tártip buzýshylyqtar anyqtaldy.

«Tekserý nátıjeleri boıynsha 5087 - sáıkestik sertıfıkaty, 4231 - sáıkestik týraly deklaratsııa, 1562 - tekserý týraly sertıfıkat qaıtarylyp alyndy jáne qoldanysy toqtatyldy, barlyǵy – 21254 ólshem quraly, onyń ishinde qoldanýǵa jaramsyz – 589 birlik, sondaı-aq ólshem quraldaryn 1-salystyryp tekserýshiniń sertıfıkaty, 5 927 850 teńge somasyna ákimshilik aıyppul sala otyryp, 6 aı merzimge sarapshy-aýdıtorlardyń 23 attestaty toqtatyldy. Qorytyndysy boıynsha jalpy somasy 17 690 494 teńgege ákimshilik aıyppul salý týraly 45 qaýly shyǵaryldy»,-dedi spıker.

2020 jyldyń 30 jeltoqsanynda «Tehnıkalyq retteý týraly» jańa redaktsııadaǵy tıisti zań jobalaryna jáne olarǵa ilespe zań retinde «Ólshem birligin qamtamasyz etý týraly», «Akkredıtteý týraly» ilespe zańdarǵa qol qoıylǵanyn atap ótken jón.

«Tehnıkalyq retteý týraly» QR jańa Zańyn qabyldaýdan kútiletin nátıjeler:

- ishki naryqtaǵy ónimniń qaýipsizdigin arttyrý;

- básekege qabiletti jáne sapaly otandyq ónim úshin jaǵdaı jasaý;

- memlekettik baqylaýdyń tıimdiligin arttyrý;

- sáıkestikti baǵalaý rásimderiniń durystyǵyn qamtamasyz etý.


Avtor Alma Muqanova
Basty sózder: Almaty, Ekonomıka, Zań,
Joǵary qaraı