Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qala kúnine arnalǵan sharalar onlaın formatta ótedi

2021 jyldyń 16 qyrkúıek 2021 20:21

ALMATY. QazAqparat - Almaty qalasy ákiminiń orynbasary Erjan Babaqumarov jyl saıyn qyrkúıek aıynyń úshinshi jeksenbisinde almatylyqtar atap ótetin Qala kúnin merekeleýdi uıymdastyrý boıynsha onlaın formatta jumys keńesin ótkizdi, dep habarlaıdy QazAqparat tilshisi.

Bıyl Qala kúnine oraı is-sharalardy ótkizýdiń eki nusqasy ázirlendi, atap aıtqanda, sanıtarlyq-epıdemıologııalyq ahýaldyń damýyna baılanysty oflaın jáne onlaın-sharalar qarastyrylǵan.

Qalalyq Sanıtarlyq- baqylaý departamentiniń basshysy, megapolıstiń bas memlekettik sanıtarlyq dárigeri Jandarbek Bekshın Almatyda sońǵy táýlikterde koronavırýs ınfektsııasyna qatysty oń PTR saraptamasy bar 704 naýqastyń anyqtalǵanyn, bul juqtyrýdyń 0,49%-ǵa óskenin kórsetetinin aıtty.
«Sımptomdy» naýqastardyń úlesi artýda, 9 qyrkúıekte 96%-ǵa jetti. Demek, pandemııa dınamıkasy turaqsyz. Sondyqtan koronavırýs ınfektsııasynyń taralýyn aldyn alý ári Qala kúnin eskere otyryp, sanıtarlyq-epıdemıologııalyq sharalardy kúsheıtý qajet.
Sonymen qatar, kásipkerlik sýbektileri arasynda epıdemıologııalyq qaýipsizdiktiń belgilengen talaptaryn buzý jaǵdaılaryn tirkeý jalǵasyp jatyr. Tek osy jyldyń 9-12 qyrkúıegi aralyǵynda zańdy tulǵalardyń karantındik sharalardy buzǵany jóninde 34 fakti anyqtaldy.Buqaralyq sharalar ótetin bolsa,onda juqtyrý qaýpiniń arta túsetini anyq.
Keńesti qorytyndylaǵan Almaty qalasy ákiminiń orynbasary Erjan Babaqumarov epıdemıologııalyq ahýaldyń turaqsyz ári Almaty qalasynyń áli de «qyzyl» aımaqta ekenin eskere otyryp, barlyq mádenı is-sharalardy onlaın rejımde ótkizýge sheshim qabyldanǵanyn aıtty.
Oflaın formatta ótetin barlyq mádenı, oıyn-saýyq jáne buqaralyq kóńil kóteretin is-sharalar toqtatyldy.
Almatyda Qala kúnin merekeleý aıasynda birqatar nysandar ashyq bolady, ıaǵnı skverler men saıabaqtar, balabaqshalar, mektepter janyndaǵy jańa korpýstar jumys isteıdi. Az qamtylǵan jáne kópbalaly otbasylarǵa páter kiltteri tapsyrylady. Vaktsınalanǵan qalalyqtar karantındik shekteýlerdi qatań saqtaı otyryp, áleýmettik jáne qaıyrymdylyq sharalaryna qatysa alady.
Qala kúnin merekeleý kezinde megapolıs turǵyndary men qonaqtary dertti juqtyrmaýy tıis. Sondyqtan, monıtorıng toptar Polıtsııa departamentimen birge aǵymdaǵy jyldyń 19 qyrkúıeginen bastap aldaǵy aptalarda belgilengen shekteýlerdi baqylaý sharalaryn kúsheıtetin bolady.
Sonymen qatar, aýdandar ákimdikteri eriktiler uıymdaryn tarta otyryp, adamdar kóp jınalatyn jerlerde sanıtarlyq posttar men patrýlderdiń jumystaryn jandandyrady. Qalalyq qoǵamdyq densaýlyq basqarmasy vaktsınalanýdy keńeıtý boıynsha jumysty jalǵastyrady, qalalyqtarǵa yńǵaıly bolý úshin jyljymaly egý pýnktteri jumys isteıtin bolady.
Almaty qalasynyń ákimdigi COVID-19-ǵa qarsy vaktsınalanýǵa jáne profılaktıkalyq sharalardy saqtaýǵa shaqyrady. Betperde taǵýdy, áleýmettik qashyqtyqty saqtaýdy este ustaǵan jón.
Avtor Alma Muqanova
Basty sózder: Qoǵam, Almaty,
Joǵary qaraı