Aýa raıy
Astana -1 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qala kúnine oraı úı kezeginde turǵan 265 adam baspanaly boldy

2020 jyldyń 20 qyrkúıek 2020 17:49

ALMATY. QazAqparat – Almatyda Qala kúni merekesine oraı kezekte turǵan 265 adamǵa qalanyń kommýnaldyq turǵyn úı qorynan páter berildi, dep habarlaıdy QazAqparat.

Almaty qalasynyń ákimi Baqytjan Saǵyntaevtyń tapsyrmasymen páterlerdiń kiltin tapsyrý rásimin onyń orynbasary Muhıt Ázirbaev jasady.

Páterler «Nurly jer» baǵdarlamasy boıynsha salynǵan Túriksib jáne Alataý aýdandaryndaǵy úılerden berildi. Baspana kezeginde turyp, páter kiltin alǵan 265 adamnyń ishinde 29 jetim bala, 122 kópbalaly otbasy, 26 I jáne II toptaǵy múgedek, 51 tolyq emes otbasynyń músheleri jáne basqalar bar.

Bıylǵy jyldyń basynan beri 1012 otbasy baspanaly boldy. 2020 jyldyń sońyna deıin «jumysqa qabiletti jastar» tobyna jatatyn 350 adamdy, áleýmettik turǵydan álsiz topqa jatatyn 293 adamdy jáne 325 kópbalaly otbasyn baspanamen qamtý josparlanyp otyr.

Buǵan qosa, «Baqytty otbasy» baǵdarlamasy arqyly bir jyl ishinde 1 myń otbasy baspanaly bolady. Sondaı-aq «Almaty jastary 3.0» jeńildikpen nesıelendirý baǵdarlamasy boıynsha taǵy 1 myń jas otbasy páter alady.


Avtor Gúlmıra Ǵosmanálı
Basty sózder: Jastar, Turǵyn úı, Almaty,
Joǵary qaraı