Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qalalyq bıýdjet qaıta qaraldy

2022 jyldyń 27 qańtar 2022 16:58

ALMATY. QazAqparat - Almatyda bıznes pen azamattarǵa kómek kórsetý úshin qalalyq bıýdjet qaıta qaraldy, dep habarlaıdy QazAqparat tilshisi.

Almaty qalasy máslıhatynyń kezekten tys XIV sessııasy ótti. Qalanyń ákimshilik jáne kúshtik qurylymdarynyń tynys - tirshiligin qamtamasyz etý máselelerin jedel sheshý úshin sonymen qatar, kásipkerlerge keltirilgen zalaldy óteýge jáne bıznes sektoryn yntalandyrý maqsatynda máslıhat ákimdiktiń bastamasy boıynsha Almaty qalasy bıýdjetine naqtylaý júrgizdi.

Jalpy jergilikti bıýdjetti naqtylaý 2021 jylǵy bıýdjettiń kiris bóligin 30 mlrd teńge somasyna asyra oryndaý esebinen júrgiziledi.

Bólinip otyrǵan qarjy memleket basshysynyń qalany tezirek qalpyna keltirý, halyq pen bıznes nysandaryna kómek kórsetý jónindegi tapsyrmalaryn iske asyrý maqsatynda mynandaı shyǵystarǵa baǵyttalady:

- Tártipsizdik barysynda zardap shekken kásipkerlerge keltirilgen zalaldy óteý - 5 mlrd teńge;

- ShOB sýbektileri úshin kommýnaldyq shyǵystardy tóleý boıynsha shyǵyndardy sýbsıdııalaýǵa (3 aı merzimge) – 1,5 mlrd teńge;

- Halyqty jumyspen qamtý baǵdarlamasyn qarjylandyrý aıasynda qoǵamdyq jumystarǵa jumysqa ornalastyrý úshin 6 myń adamǵa 3,3 mlrd teńge qarajat qarastyrý josparlanýda;

- Shaǵyn jáne orta bıznes sýbektilerin jeńildikpen nesıeleý tetigin engizýge 6,3 mlrd teńge bólindi;

- Quqyq qorǵaý organdary qyzmetkerleriniń materıaldyq-tehnıkalyq jabdyqtalýyn nyǵaıtýǵa. Bul maqsattarǵa 2,2 mlrd teńge bólý josparlanýda.

Sonymen qatar, qalanyń tynys-tirshiligin qamtamasyz etý jáne qalpyna keltirý úshin áleýmettik mańyzy bar is-sharalardy qarjylandyrýǵa ózge de shyǵystar kózdelgen.

«Qazirgi ýaqytta qala bıýdjetin naqtylaý jobasy ázirlenýde, onda megapolıstiń tynys-tirshiligin qamtamasyz etý men qalpyna keltirýge qatysty basqa da máseleler qaralatyn bolady» - dedi Máslıhat hatshysy Stanıslav Kankýrov.

Sondaı-aq, máslıhat sessııasynda «Aq jol» partııasynyń qalalyq tiziminen rotatsııa boıynsha jáne jeke aryzy negizinde ıÝ. Shınniń ókilettigi toqtatyldy.

Onyń ornyna aýmaqtyq saılaý komıssııasynyń jáne «Aq jol» partııasy fılıaly Keńesiniń Qaýlysymen «Qazaqstannyń mıkroqarjy uıymdary qaýymdastyǵy» ZTB dırektory jáne belgili zańger Erbol Omarhanovtyń kandıdatýrasy bekitildi.


Avtor Alma Muqanova
Basty sózder: Ekonomıka, Almaty, Bıýdjet,
Joǵary qaraı