Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qandaı jaǵdaıda lokdaýn bolýy múmkin

2020 jyldyń 20 qazan 2020 12:54

ALMATY. QazAqparat- Almatyda qandaı ahýal bolǵan jaǵdaıda lokdaýn engiziletinin qalanyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.

«Barlyǵy qaladaǵy epıdemıologııalyq ahýalǵa baılanysty. Halyqqa qaýipsizdik sharalaryn túsindirýdemiz. Sonda da zańbuzýshylyqtar bolyp jatyr. Eger maskalyq rejım saqtalsa, áleýmettik qashyqtyq kúshinde bolsa, adam kóp shoǵyrlanǵan jerlerge barmaıtyn bolsaq, onda epıdahýal turaqty bolady. Qazir aýrý kórsetkishin ósirmeý úshin barlyq shara qabyldanyp jatyr. Alaıda kóp nysandar qaýip tobyna jatady. Bul karaoke, bar, bılıard taǵy basqa nysandar. Osyndaı nysandarǵa barýdy doǵara tursaq, lokdaýn engizilmeıdi», - dedi qalanyń bas sanıtarlyq dárigeri Jandarbek Bekshın.

Buǵan deıin ol Almatyda aýrý kórsetkishi aqyryndap ósip kele jatqanyn aıtqan bolatyn.

Sondaı-aq bas sanıtarlyq dáriger shetelge barýdan ýaqytsha bas tartýdy usyndy.

Aıta ketsek , Almatyda PTR taldaýynyń qýatyn táýligine 22 myńǵa jetkizý kózdelip otyr.



Joǵary qaraı