Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qańtar oqıǵalaryna baılanysty 1 481 qylmystyq is tirkeldi

2022 jyldyń 25 qańtar 2022 12:13

ALMATY. QazAqparat - Almaty qalasynyń polıtsııa departamenti qańtar oqıǵalaryna baılanysty qylmystyq quqyq buzýshylyq faktilerin ashýdy jáne tergeý jumystaryn odan ári jalǵastyrýda. Bul týraly Almaty polıtsııa departamenti bastyǵynyń orynbasary Rýstam Abdrahmanov áleýmettik jelide jazdy, dep habarlaıdy QazAqparat tilshisi.

Onyń aıtýynsha, búgingi tańda sotqa deıingi tergeýdiń biryńǵaı tizilimine polıtsııa departamenti men onyń aýmaqtyq bólimsheleri 1 481 qylmystyq isti tirkedi.

Olardyń ishinde bótenniń múlkin urlaý – 1 213, bótenniń múlkin qasaqana joıý – 46, qarý men oq-dárilerdi zańsyz saqtaý faktileri boıynsha 41 is bar.

Joǵaryda atalǵan qylmystardy jasady degen kúdikpen 236 adam ustaldy. Onyń ishinde 214-ine qatysty sot «kúzetpen ustaý» bultartpaý sharasyna sanktsııa shyǵardy. Úsh kúdiktige qatysty «eshqaıda ketpeý jáne tártiptilik tanytý qolhaty» túrinde bultartpaý sharasy tańdaldy.

«Júrgizilgen jedel-izdestirý is-sharalary nátıjesinde zańsyz aınalymnan 144 atys qarýy men 8 myńnan astam oq-dári tárkilendi. Narazylyq aktsııalary kezinde qylmystyq elementtermen Almaty qalasynyń aýmaǵynda ornalasqan 1 602 obektige shabýyldar jasalyp, dúnıe-múlikter talqandaldy. Qazirgi ýaqytta PD tergeý bólimsheleri búlingen obektilerdiń jalpy sanynyń 97%-yn tekserip shyqty. Bul baǵyttaǵy jumys aıaqtalý satysynda», - dedi Rýstam Abdrahmanov.


Joǵary qaraı