Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qańtar oqıǵasynda isten shyqqan «Sergek» kameralary qalpyna keldi

2022 jyldyń 22 qańtar 2022 18:05

ALMATY. QazAqparat- Almatyda jappaı tártipsizdik kezinde búlingen beınebaqylaý kameralary qalpyna keldi, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, 4-7 qańtar aralyǵyndaǵy jappaı tártipsizdik kezinde 75 «Sergek» kesheni, ıaǵnı 304 beınekamera, sondaı-aq RTRK ǵımaratynda ornalasqan baılanys ortalyǵy, antenna jáne jelilik jabdyq isten shyqty.

Búgingi kúni barlyq zaqymdalǵan kameralar men jabdyqtar qalpyna keltirildi.

«Talshyqty- optıkalyq taratý júıesi arnalaryna qosylýǵa arnalǵan jeke júıesi bar 1 103 kamerany qamtıtyn «Beınebaqylaý júıeleri» jobasy boıynsha tártipsizdikter kezinde 283 kamera, sondaı-aq shkaftar men taratý jabdyqtary isten shyqty. Qazirgi ýaqytta beınekameralar men zaqymdanǵan qondyrǵylar qalypty jumys istep tur»,- dep habarlady polıtsııadan.

Sonymen qatar, bıyl megapolıstegi 3 500 kamerany jedel basqarý ortalyqtaryna qosý josparda.


Avtor Alma Muqanova
Basty sózder: Almaty tragedııasy, Almaty, Oqıǵa,
Joǵary qaraı