Aýa raıy
Astana 23 °S
Almaty 22 °S
valıýta baǵamy
USD 412.55
EUR 465.73
RUB 5.79
CNY 58.91

Almatyda qar barysyn túsiretin fototuzaqty urlap ketti

2019 jyldyń 13 qarasha 2019 16:30

ALMATY. QazAqparat – Almaty oblysy taýlaryn mekendeıtin qar barysyn túsirýge arnalǵan fototuzaqty urlaǵan týrıst kamerany qaıtaryp berdi, dep habarlaıdy QazAqparat tilshisi.

«Bıylǵy jyly qyzyq oqıǵa boldy. Biz Snow Leopard Foundation qory jáne zoologııa ınstıtýtymen birlesip Іle Alataý ulttyq parkinde qar barysyn túsiretin fototuzaqtar ornattyq. Biz eki qurylǵyny bir jerge qoıdyq. Taýǵa shyqqan týrıst bireýin ózimen alyp ketti. Ol ekinshisin kórmegen. Sol ekinshi kamera týrısti qyrynan túsirip alypty. Sol sýret arqyly fototuzaqty qoldy etken týrısti taýyp aldyq», - deıdi Almaty memlekettik tabıǵı qoryǵynyń aǵa ǵylymı qyzmetkeri Saltóre Saparbaev.

Onyń aıtýynsha, kamera 1-2 kún ishinde qaıtaryldy. Bul fototuzaqta erekshe kadrlar bolǵan.

«Kameraǵa túngi Almatynyń kórinisinde qar barysy taýǵa qaraı bet alyp bara jatqan sýreti túsip qalǵan. Bul endi tańǵajaıyp sýret»,- dep qosty ol.

Sondaı-aq, ol osy jyldyń kókteminde fototuzaq úsh qar barysyn jaqyn qashyqtyqta túsirip alǵanyn aıtty.

«Almaty memlekettik tabıǵı qoryǵynyń aýmaǵynda ornalasqan Talǵar shatqalynda men eki alańyn qasyna ertken qar barysyn kórdim. Basynda men olardy bir shaqyrym qashyqtyqta kórdim, keıin olarǵa bildirtpeı jaqyndap 10 metr qashyqtyqta baqyladym», - dedi Saparbaev.

Onyń aıtýynsha, qazir sırek kezdesetin qar barysy joǵalyp ketý qaýpi tóngen janýarlar tiziminen shyǵaryldy. Búginde brakonerlerge qarsy baǵdarlama men fototuzaq kameralarynyń arqasynda olardyń sany arta bastady.

Avtor Alma Muqanova
Basty sózder: Almaty, Qylmyspen kúres, Qoǵam,
Joǵary qaraı